മലയാള സിനിമാ ലോകത്ത് തരംഗം സൃഷ്ടിച്ച സൂപ്പർ ചിത്രം ദൃശ്യം 2 വിന്റെ തെലുങ്ക് പതിപ്പിന്റെ ചിത്രീകരണം 22ന് തൊടുപുഴയില്‍ ആരംഭിക്കും.വിസ്‌മയ നടൻ മോഹന്‍ലാലും – പ്രമുഖ സംവിധായകൻ ജിത്തു ജോസഫും ഒന്നിച്ച മലയാളത്തിലെ ജനശ്രദ്ധ നേടിയ സൂപ്പര്‍ ഹിറ്റ് ചിത്രമാണ് ദൃശ്യം2 . തെലുങ്ക് പതിപ്പില്ലേ നായകന്‍ വെങ്കിടേഷാണ് .തെലുങ്കു പതിപ്പിലെ ഒരു പ്രധാന കാര്യംമെന്തെന്നാൽ മീന തന്നെയാണ് ഈ ചിത്രത്തിലും നായിക.
തൊടുപുഴയിലെ കാഞ്ഞാര്‍, വഴിത്തല പ്രദേശങ്ങളിലായിരുന്നു ദൃശ്യം സീരിസിന്റെ ഷൂട്ടിംഗ് നടന്നത്. ദൃശ്യത്തിന്റെ തമിഴ് പതിപ്പായ പാപനാശവും തൊടുപുഴയില്‍ തന്നെയാണ് ഒരുക്കിയത്. തെലുങ്കിലെ പ്രമുഖ നടൻ വെങ്കിടേഷ് നായകനാകുന്ന ദൃശ്യം 2വിന്റെ തെലുങ്ക് പതിപ്പും ഒരുങ്ങുന്നത് കാഞ്ഞാറില്‍ തന്നെയാണ്. ദൃശ്യം കവല എന്നാണ് ഈ പ്രദേശം ഇപ്പോൾ അറിയപ്പെടുന്നത്.അത് കൊണ്ട് തന്നെ ഇടുക്കിയിലെ പ്രധാന ടൂറിസ്റ്റ് സ്‌പോട്ടായി ഈ മേഖല മാറി കഴിഞ്ഞു. അടുത്ത മാസം അവസാനത്തോടെ ദൃശ്യം 2 തെലുങ്കിന്റെ ചിത്രീകരണം ആരംഭിക്കും. ഷംന കാസിമും ചിത്രത്തില്‍ പ്രധാന വേഷത്തിലെത്തും.താരത്തിനെ കൂടാതെ നദിയ മൊയ്തു, നരേഷ് വിജയ കൃഷ്ണ, എസ്തര്‍ അനില്‍ എന്നിവരും ചിത്രത്തിലുണ്ട്.
