മലയാളത്തിന്റെ പ്രിയതാരം മമ്മൂട്ടി നായകനായി എത്തുന്ന ചിത്രമാണ് ക്രിസ്റ്റഫർ. ഉദയകൃഷ്ണയുടെ തിരക്കഥയിൽ ബി ഉണ്ണിക്കൃഷ്ണൻ സംവിധാനം ചെയ്ത ചിത്രം തിയറ്ററുകളിൽ നിന്ന് മികച്ച പ്രതികരണം സ്വന്തമാക്കി പ്രദർശനം തുടരുകയാണ്. ഇതിനിടെ ചിത്രത്തിന്റെ തിരക്കഥയെ ഇഴകീറി വിശകലനം ചെയ്യുകയാണ് സോഷ്യൽ മീഡിയ.
പതിവു ഉദയകൃഷ്ണ തിരക്കഥകളിൽ നിന്ന് വ്യത്യസ്തമാണ് ഈ തിരക്കഥയെന്നാണ് പടം കണ്ടിറങ്ങിവർ പറയുന്നത്. ഡബിൾ മീനിങ്ങ് ജോക്കുകളും നായകന്റെ പിറകേ നടക്കാൻ കുറേ പെണ്ണുങ്ങളും ഉദയകൃഷ്ണയുടെ സ്ക്രിപ്റ്റിൽ പതിവാണ്. എന്നാൽ, ആ പതിവുകളൊന്നും ക്രിസ്റ്റഫറിൽ ആവർത്തിക്കുന്നില്ല.
നായകന് കൃത്യമായ ഒരു വേഷം നൽകിയിട്ടുണ്ട്. നായകൻ ഏജന്റ് ആകുന്ന പതിവുകൾ ഒന്നുമില്ല. കൂടാതെ, ആദ്യം മുതൽ അവസാനം വരെ ഒരേ വേഷത്തിൽ തന്നെയാണ് നായകൻ പ്രതൃക്ഷപ്പെടുന്നത്. ഡബിൾ മീനിങ്ങ് ജോക്കുകൾ ഒന്നുമില്ലാത്ത വളരെ ഡീസന്റ് ആയ ഒരു സ്ക്രിപ്റ്റ് ആണ് ക്രിസ്റ്റഫറിന്റേത്. കൂടാതെ, ചിത്രത്തിലെ നായികമാരായി എത്തിയ എല്ലാ സ്ത്രീകൾക്കും കൃത്യമായ റോളുകളും ക്രിസ്റ്റഫറിൽ നൽകിയിരുന്നു.
