സീരിയല്‍ പ്രവര്‍ത്തകയുടെ മൃതദേഹം കത്തിക്കരിഞ്ഞ നിലയില്‍. മലപ്പുറം നിലമ്ബൂരിലാണ് സംഭവം. മേനിയില്‍ വിജയന്റെ മകള്‍ കവിത(28)യെയാണ് ഇന്നലെ രാവിലെ പത്തരയോടെ കത്തിക്കരിഞ്ഞ നിലയില്‍ കണ്ടത്. ടിവി സീരിയല്‍ പ്രവര്‍ത്തകയാണ്.
നിലമ്ബൂര്‍ മുതീരി കൂളിക്കുന്നിലുള്ള വാടകവീട്ടില്‍ നിന്ന് അസാധാരണ ശബ്ദം കേട്ടതനുസരിച്ച്‌ അയല്‍വാസികളാണ് വിവരം പോലീസിനെ അറിയിച്ചത്. വീട് അകത്ത് നിന്ന് പൂട്ടിയ നിലയിലായിരുന്നു. പോലീസും അഗ്നിശമനസേനയും ചേര്‍ന്ന് വീടിന്റെ വാതില്‍ തകര്‍ത്ത് അകത്ത് കടന്നപ്പോഴേക്കും പൂര്‍ണ്ണമായും കത്തിക്കരിഞ്ഞിരുന്നു.
കവിത ഇന്നലെ രാവിലെയാണ് ബെംഗളൂരുവില്‍ നിന്ന് വന്നതെന്ന് നാട്ടുകാര്‍ പറയുന്നു.
മരണത്തില്‍ മറ്റാര്‍ക്കും പങ്കില്ലെന്ന് അറിയിച്ചുകൊണ്ടുള്ള കത്ത് എഴുതിവെച്ചിട്ടുണ്ട്. പെട്രോളൊഴിച്ചാണ് തീ കൊളുത്തിയത്. നിലമ്ബൂര്‍ സിഐ കെ.എം.ബിജുവിന്റെ നേതൃത്വത്തിലുള്ള പോലീസ് സംഘം മൃതദേഹ പരിശോധന നടത്തിയ ശേഷം പോസ്റ്റുമോര്‍ട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റി.
അമ്മ: കാര്‍ത്ത്യായനി. ഭര്‍ത്താവ്: പാലക്കാട് സ്വദേശി വിജേഷ്. മകള്‍: ആഗ്ന. സഹോദരങ്ങള്‍ ജിത, ദേവന്, ധന്യ. ഭര്‍ത്താവ് ബംഗളൂരുവിലാണ്.
