ആരാധകരുടെ ആകാംക്ഷയ്ക്ക് വിരാമമിട്ട് രജനീകാന്ത്-ശങ്കര്‍ ചിത്രം 2.0 ഇന്ന് തീയേറ്ററുകളില്‍ എത്തി. കേരളത്തില്‍ മാത്രം അഞ്ഞൂറോളം തീയേറ്ററുകളില്‍ ഒരുമിച്ച്‌ റിലീസ് ചെയ്ത ചിത്രത്തെ ആവേശത്തോടെയാണ് പ്രേക്ഷകര്‍ വരവേറ്റത്.
വിഷ്വല്‍ എഫക്‌ട്‌സിന്റെ മായക്കാഴ്ചകളുമായാണ് യെന്തിരന്റെ രണ്ടാം ഭാഗം തീയേറ്ററുകളിലെത്തിയത്. ഡബിള്‍ റോളില്‍ രജനീകാന്തും വില്ലന്‍ വേഷത്തില്‍ അക്ഷയ്കുമാറും മത്സരിച്ചഭിനയിച്ച ചിത്രം ആദ്യ ദിനം തന്നെ പ്രേക്ഷക ഹൃദയം കീഴടക്കി.
ചിത്രത്തിലെ മലയാളത്തിൽ നിന്നുള്ള സാന്നിധ്യമായി കലാഭവൻ ഷാജോണും അഭിനയിച്ചിട്ടുണ്ട്.ചിത്രത്തിലെ വളരെ മർമ്മ പ്രധാനമായ റോളിലാണ് ഷാജോൺ എത്തുന്നത്.ഷാജോണിന്റെ കഥാപാത്രത്തിന് നിറഞ്ഞ കൈയടികളാണ് പ്രേക്ഷകർ നല്കുന്നത്.
ചിത്രത്തിന് മികച്ച റിപ്പോർട്ടുകൾ ലഭിച്ചതിന് ശേഷം ഫേസ്ബുക്കിൽ കൂടി ആരാധകർക്ക് ഷാജോണ് നന്ദിയും അറിയിച്ചു. രജനികാന്തുമായി കോമ്പിനേഷൻ രംഗം ഇല്ലെങ്കിലും അക്ഷയ് കുമാറുമായി ഒരു രംഗത്തിൽ അഭിനയിക്കാൻ സാധിച്ചത് ഭാഗ്യമായി ഷാജോണ് കാണുന്നു.
