ഒരുകാലത്ത് തെന്നിന്ത്യയെ മുഴുവൻ തരംഗം സൃഷ്ട്ടിച്ച താരമായിരുന്നു ഷക്കീല. ഷക്കീലയുടെ ജീവിതകഥ പറയുന്ന ബോളിവുഡ് ചിത്രം ഷക്കീല ഇപ്പോൾ റിലീസിനൊരുങ്ങുന്നു. ഈ വരുന്ന ക്രിസ്മസിനാണ് ചിത്രം തിയറ്ററുകളില്‍ എത്തുക. ഇപ്പോഴിതാ ചിത്രത്തിന്റെ ട്രൈലെർ അണിയറപ്രവർത്തകർ പുറത്ത് വിട്ടിരിക്കുകയാണ്. ചിത്രത്തിൽ ബോളിവുഡ് താരം റിച്ച ഛദ്ദയാണ് ഷക്കീലയുടെ കഥാപാത്രത്തെ അവതരിപ്പിക്കുന്നത്.
പതിനാറാം വയസ്സിൽ സിനിമയിൽ എത്തിയ ഷക്കീലയുടെ ജീവിതത്തിൽ സംഭവിച്ച കാര്യങ്ങൾ ആണ് ചിത്രത്തിൽ ഉൾപ്പെട്ടിരിക്കുന്നത്. സൂപ്പർസ്റ്റാറുകളുടെ സിനിമകൾ നിറഞൊടിയിരുന്ന സമയത്തും ഷക്കീല ചിത്രങ്ങൾക്ക് സ്വീകാര്യതയാണ് പ്രേഷകരുടെ ഭാഗത്ത് നിന്നും ലഭിച്ചിരുന്നത്. അത് തന്നെയാണ് ഷക്കീലയെന്ന നടിയെ ഒരുകാലത്ത് താര പദവിയിൽ നിർത്തിയതും.
ട്രൈലെർ കാണാം
നിരവധി ഭാഷകളിലായി 250 ചിത്രങ്ങളിലാണ് ഷക്കീല ഇതിനോടകം വേഷമിട്ടിട്ടുണ്ട്. എന്നാൽ ഇപ്പോൾ ദീർഘകാലമായി സിനിമയിൽ നിന്ന് വിട്ട് നിൽക്കുകയാണ് താരം. ഇന്ദ്രജിത് ലങ്കേഷ് സംവിധാനം ചെയ്യുന്ന ചിത്രത്തില്‍ പങ്കജ് ത്രിപതി, മലയാളി താരം രാജീവ് പിള്ളയുമാണ് ചിത്രത്തില്‍ മറ്റു പ്രധാനകഥാപാത്രങ്ങളെ അവതരിപ്പിക്കുന്നത്. സമ്മി നന്‍വാനി, സഹില്‍ നന്‍വാനി എന്നിവരാണ് ചിത്രം നിര്‍മിക്കുന്നത്.
