യുവതാരങ്ങളായ റോഷൻ മാത്യു, ഷൈൻ ടോം ചാക്കോ എന്നിവരെ കേന്ദ്ര കഥാപാത്രങ്ങളാക്കി ജി മാർത്താണ്ഡൻ സംവിധാനം ചെയ്യുന്ന ചിത്രമാണ് മഹാറാണി. ചിത്രത്തിലെ അവളാണോ ഇവൾ എന്ന ഗാനത്തിന്റെ ടീസർ പുറത്തു വിട്ടിരിക്കുകയാണ് അണിയറപ്രവർത്തകർ. രാജീവ് ആലുങ്കലിന്റെ വരികൾക്ക് ഗോപി സുന്ദർ ആണ് സംഗീതം നൽകിയിരിക്കുന്നത്. അക്ബർ ഖാൻ, ഫഹിഷംസ, ഹാരിബ് മുഹമ്മദ് ഹനീഫ എന്നിവരാണ് ഗാനം ആലപിച്ചിരിക്കുന്നത്. സുജിത് ബാലൻ ആണ് ചിത്രം നിർമിക്കുന്നത്. നവംബർ 24ന് ചിത്രം തിയറ്ററുകളിലേക്ക് എത്തും.
‘ഇഷ്ക്’, ‘അടി’ എന്നീ ചിത്രങ്ങളുടെ രചയിതാവായ രതീഷ് രവിയാണ് മഹാറാണിയുടെയും തിരക്കഥ. എസ് ബി ഫിലിംസിന്റെ ബാനറില്‍ സുജിത് ബാലനാണ് ചിത്രം നിർമിക്കുന്നത്. റോഷന്‍ മാത്യു, ഷൈന്‍ ടോം ചാക്കോ, ബാലു വര്‍ഗീസ്‌, ജോണി ആന്റണി, നിഷ സാരംഗ്, ഹരിശ്രീ അശോകൻ, ജാഫർ ഇടുക്കി, കൈലാഷ്, അശ്വത്‌ലാൽ തുടങ്ങി നിരവധി താരങ്ങളാണ് ചിത്രത്തിന്റെ ഭാഗമാകുന്നത്.
ഛായാഗ്രഹണം – എസ്. ലോകനാഥന്‍, സംഗീതം – ഗോവിന്ദ് വസന്ത, ഗാനരചന – രാജീവ് ആലുങ്കൽ, അൻവർ അലി, പശ്ചാത്തലസംഗീതം – ഗോപി സുന്ദർ, എഡിറ്റിംഗ് – നൗഫൽ അബ്ദുള്ള, എക്സിക്യുട്ടീവ് പ്രൊഡ്യൂസർ – സിൽക്കി സുജിത്ത്, പ്രൊഡക്ഷൻ കൺട്രോളർ – സുധർമ്മൻ വള്ളിക്കുന്ന്, പ്രൊഡക്ഷൻ എക്സിക്യുട്ടീവ് – സക്കീർ ഹുസൈൻ, പി ആർ ഒ – ആതിര ദിൽജിത്ത്.
