കോളിവുഡ് ബോക്‌സ് ഓഫീസിനെ തച്ചു തകർത്ത തല അജിത് – വെങ്കട്ട് പ്രഭു ചിത്രം മങ്കാത്തക്ക് രണ്ടാം ഭാഗം ഒരുങ്ങുന്നു…? പ്രേക്ഷകരെ ഒന്നടങ്കം ആവേശം കൊള്ളിച്ച ചിത്രത്തിന് രണ്ടാം ഭാഗം വേണമെന്നത് അന്നേ പ്രേക്ഷകർക്ക് ആവശ്യപ്പെട്ട ഒന്നാണ്. എന്നാൽ രണ്ടാം ഭാഗത്തെ കുറിച്ച് യാതൊരു സൂചനകളും തരാതിരുന്ന സംവിധായകനും നായകനും ഇപ്പോൾ ചില സൂചനകൾ പുറത്തു വിട്ടിരിക്കുകയാണ്. തന്റെ ട്വിറ്റർ അക്കൗണ്ടിൽ തലക്കൊപ്പമുള്ള ഒരു ഫോട്ടോ സംവിധായകൻ വെങ്കട്ട് പ്രഭു പങ്ക് വെച്ചതോടെയാണ് മങ്കാത്ത 2 വീണ്ടും വാർത്തകളിൽ നിറയുന്നത്.
ഇൻസ്‌പെക്ടർ വിനായക് എന്ന പൊലീസ് ഓഫീസറെ തല അജിത് അവതരിപ്പിച്ച ചിത്രത്തിൽ അർജുൻ, തൃഷ, ലക്ഷ്മി റായ്, അഞ്ജലി, ആൻഡ്രിയ എന്നിങ്ങനെ ഒരു വമ്പൻ താരനിര തന്നെയാണ് അണിനിരന്നത്. കേരളത്തിലും ചിത്രത്തിന് വമ്പൻ സ്വീകരണമാണ് ലഭിച്ചത്. അജിത്തിന്റേതായി അവസാനം തീയറ്ററുകളിൽ എത്തിയ വിശ്വാസം ബോക്‌സ് ഓഫീസിനെ വീണ്ടും തകിടം മറച്ചിരിക്കുകയാണ്
