‘നടത്തറ’ ചേച്ചിക്ക് പാറുക്കുട്ടിയുടെ ചക്കരയുമ്മ..! പാറുക്കുട്ടിക്കൊപ്പം ലക്ഷ്‌മി നക്ഷത്രയുടെ രസകരമായ ഫോട്ടോഷൂട്ട്; ഫോട്ടോസ്

മലയാളി കുടുംബപ്രേക്ഷകരുടെ ഏറ്റവും പ്രിയപ്പെട്ട പരിപാടിയാണ് സ്റ്റാർ മാജിക്. ഈ പരിപാടിയുടെ അവതാരകയാണ് ലക്ഷ്മി നക്ഷത്ര എന്നറിയപ്പെടുന്ന ലക്ഷ്മി ഉണ്ണികൃഷ്ണൻ. ഷോയിലൂടെ താരം മലയാളികളുടെ പ്രിയങ്കരിയായി മാറി. ഏഴാമത്തെ വയസ്സുമുതൽ സംഗീതം പഠിക്കുന്ന ഒരു വ്യക്തിയാണ് ലക്ഷ്മി. എന്നാൽ ലക്ഷ്മി സംഗീത ലോകത്തു നിന്നും റേഡിയോ ജോക്കിയായി 2007 മുതൽ ജോലി തുടങ്ങി. പിന്നീട് അവതാരക ആയിട്ടായിരുന്നു ലക്ഷ്മിയുടെ ലോകം.

നിരവധി സ്റ്റേജ് റിയാലിറ്റി ഷോകളിലും ഫിലിം അവാർഡുകളിലും ലക്ഷ്മി അവതാരകയായി എത്തി. സ്കൂളിൽ പഠിക്കുന്ന കാലത്ത് സംഗീതം, മോണോആക്ട്, മറ്റു നിരവധി അഭിനയ രംഗങ്ങൾ എന്നിവയിലെല്ലാം താരം സമ്മാനങ്ങൾ വാരിക്കൂട്ടി. മാർക്കോണി മത്തായി എന്ന ചിത്രത്തിലും താരം ഒരു വേഷം അവതരിപ്പിച്ചിട്ടുണ്ട്. തന്റെ പുത്തൻ വിശേഷങ്ങളും ചിത്രങ്ങളുമെല്ലാം ഇൻസ്റ്റഗ്രാമിലൂടെയാണ് താരം ആരാധകർക്കായി പങ്കുവെക്കാറുള്ളത്.

ഉപ്പും മുളകുമെന്ന ഫ്‌ളവേഴ്‌സിലെ തന്നെ ജനപ്രിയ പരമ്പരയിലൂടെ പ്രേക്ഷകരുടെ പ്രിയങ്കരിയായി മാറിയ പാറുക്കുട്ടിക്കൊപ്പമുള്ള രസകരമായ ഫോട്ടോഷൂട്ടിന്റെ ചിത്രങ്ങളാണ് താരം ഇപ്പോൾ പങ്ക് വെച്ചിരിക്കുന്നത്. ലക്ഷ്‌മി നക്ഷത്ര എന്ന പേര് പാറുക്കുട്ടിക്ക് ലക്ഷ്‌മി നടത്തറ എന്നേ വരൂവെന്ന് ക്യാപ്ഷനിലൂടെ ലക്ഷ്‌മി വെളിപ്പെടുത്തിയിരിക്കുകയാണ്. ലിബ്സ് അലോൺസോയാണ് ചിത്രങ്ങൾ പകർത്തിയിരിക്കുന്നത്.