മലയാളത്തിന്റെ പ്രിയ താരങ്ങളായ പൃഥ്വിരാജുംജോജു ജോര്‍ജ്ജും ആദ്യമായി കേന്ദ്ര കഥാപാത്രങ്ങളായി എത്തുന്ന, ഡോമിന്‍ ഡി സില്‍വ സംവിധാനം ചെയ്യുന്ന ഏറ്റവും പുതിയ മനോഹര ചിത്രമാണ് ‘സ്റ്റാര്‍’. ചിത്രം ഏപ്രിലില്‍ തീയേറ്ററില്‍ പ്രദര്‍‌ശനത്തിനെത്തുന്ന ഈ ചിത്രത്തിന്റെ ടൈറ്റില്‍ പോസ്റ്റര്‍ നേരത്തെ പുറത്ത് വിട്ടിരുന്നു. ഡോമിന്‍ ഡി സില്‍വനീരജ് മാധവന്‍ നായകനായ ‘പൈപ്പിന്‍ ചുവട്ടിലെ പ്രണയം’ എന്ന ചിത്രത്തിന് ശേഷം സംവിധാനം ചെയ്യുന്ന പുതിയ ചിത്രമാണ് സ്റ്റാര്‍.
ചിത്രത്തില്‍ ഷീലു എബ്രഹാമും ഒരു പ്രധാന വേഷം അവതരിപ്പിക്കുന്നു.എബ്രഹാം മാത്യു അബാം മൂവീസിന്‍റെ ബാനറില്‍ നിര്‍മ്മിക്കുന്ന സിനിമ, സൂപ്പർ ത്രില്ലര്‍ വിഭാഗത്തില്‍ പെടുന്നതാണെന്നാണ് സൂചന നൽകുന്നത്. രചന നിര്‍വ്വഹിച്ചിരിക്കുന്നത് ന വാഗതനായ സുവിന്‍ എസ് സോമശേഖരനാണ് .സാനിയ ബാബു, ശ്രീലക്ഷ്മി, തന്‍മയ് മിഥുന്‍, ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.ജാഫര്‍ ഇടുക്കി, സബിത, ഷൈനി രാജന്‍, തുടങ്ങിയവരാണ്.
ചിത്രീകരണം പൂര്‍ത്തിയാക്കിയ സിനിമയുടെ പോസ്റ്റ് പ്രൊഡക്ഷന്‍ പുരോഗമിക്കുകയാണ്. ചിത്രത്തില്‍ ഹരി നാരായണന്റെ വരികള്‍ക്ക്, എം ജയചന്ദ്രനും രഞ്ജിന്‍ രാജും ചേര്‍ന്നാണ് ഈണം പകരുന്നത്. ബാദുഷയാണ് പ്രൊജക്‌ട് ഡിസൈനര്‍. ഛായാഗ്രഹണം നിര്‍വ്വഹിച്ചിരിക്കുന്നത് തരുണ്‍ ഭാസ്കരനാണ്.ചിത്രസംയോജനം നിര്‍വ്വഹിച്ചിരുന്നത് ലാല്‍ കൃഷ്ണനാണ്. പശ്ചാത്തല സംഗീതം ഒരുക്കിയിരിക്കുന്നത് .വില്യം ഫ്രാന്‍സിസാണ്
