മലയാള സിനിമ-സീരിയൽ രംഗത്ത് മിന്നുന്ന താരമാണ് സുരഭി ലക്ഷ്മി. 64ാംമത് ദേശീയ ചലച്ചിത്ര പുരസ്‌കാരത്തില്‍ ഏറ്റവും മികച്ച നടിയായി സുരഭി ലക്ഷ്മിയെ തിരഞ്ഞെടുത്തു. ഇരുപതിലധികം മലയാള സിനിമകളില്‍ അഭിനയിച്ചിട്ടുണ്ട്. മീഡിയ വണ്‍ സംപ്രേഷണം ചെയ്യുന്ന എം80 മൂസ എന്ന ഹാസ്യ പരമ്പരയിലെ മുഖ്യ വേഷമായ പാത്തുമ്മയുടെ വേഷം അവതിരിപ്പിക്കുന്നത് സുരഭിലക്ഷ്മിയാണ്. നാടക ജീവിതം മുതല്‍ സിനിമാ ജീവിതം വരെ ഒട്ടേറെ അവാര്‍ഡുകള്‍ നടിയെ തേടിയെത്തിയിട്ടുണ്ട്.
View this post on Instagram
താരത്തിന്റെ സാരിയുടുത്തുള്ള ഫോട്ടോഷൂട്ടാണ് ഇപ്പോൾ സോഷ്യൽ മീഡിയ കീഴടക്കുന്നത്. സാരിയിൽ ഏറെ മനോഹരിയായി എത്തിയിരിക്കുന്ന നടിയുടെ ഫോട്ടോസ് പകർത്തിയിരിക്കുന്നത് രാജേഷ് രാജാണ്. മികച്ചൊരു നർത്തകി കൂടിയായ സുരഭി ലക്ഷ്മി ഭരതനാട്യത്തിൽ ബി എയും തിയേറ്റർ ആർട്ട്സിൽ എം എയും നേടിയിട്ടുണ്ട്. കൂടാതെ പെർഫോമിംഗ് ആർട്ട്സിൽ എംഫിലും താരം നേടിയിട്ടുണ്ട്. അതോടൊപ്പം പെർഫോമിംഗ് ആർട്സിൽ പി എച്ച് ഡിയും ചെയ്യുന്നുണ്ട്. അനൂപ് മേനോന്റെ പദ്‌മയിൽ ടൈറ്റിൽ വേഷത്തിലാണ് ഇനി പ്രേക്ഷകർ സ്‌ക്രീനിൽ കാണുവാൻ പോകുന്നത്.
View this post on Instagram
