സിനിമാപ്രേമികൾ കാത്തിരിക്കുന്ന സുരേഷ് ഗോപി ചിത്രം ‘പാപ്പൻ’ റിലീസ് തീയതി പ്രഖ്യാപിച്ചു. ജൂലൈ 29ന് ചിത്രം തിയറ്ററുകളിൽ എത്തും. സുരേഷ് ഗോപിയാണ് സോഷ്യൽ മീഡിയയിലൂടെ റിലീസ് തീയതി പ്രഖ്യാപിച്ചത്. ‘പാപ്പൻ റിലീസ് തീയതി ലോക്ക് ചെയ്തു. എബ്രഹാം മാത്യു മാത്തനും സംഘവും ജൂലൈ 29ന് ലോകമെമ്പാടുമുള്ള സിനിമ തിയറ്ററുകളിൽ റിപ്പോർട്ട് ചെയ്യുന്നു. പാപ്പൻ ജൂലൈ 29 മുതൽ’ – എന്നാണ് സുരേഷ് ഗോപി തന്റെ സോഷ്യൽ മീഡിയ അക്കൗണ്ടിൽ കുറിച്ചത്. നീണ്ട ഇടവേളക്ക് ശേഷം സംവിധായകൻ ജോഷിക്കൊപ്പം സുരേഷ് ഗോപി എത്തുന്നു എന്ന പ്രത്യേകതയും സിനിമയ്ക്കുണ്ട്.
മാസ് ഫാമിലി ക്രൈം ഇൻവെസ്റ്റിഗേഷൻ ത്രില്ലറായാണ് ചിത്രം ഒരുങ്ങുന്നത്. ചിത്രത്തിൽ വമ്പൻ താരനിരയാണ് സുരേഷ് ഗോപിക്ക് ഒപ്പം അണിനിരക്കുന്നത്. നൈല ഉഷ, കനിഹ, നീത പിള്ള എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ഗോകുലം ഗോപാലന്‍, ഡേവിഡ് കാച്ചപ്പിള്ളി, റാഫി മതിര, എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. ആർ ജെ ഷാൻ ആണ് ചിത്രത്തിന്റെ തിരക്കഥ രചിച്ചിരിക്കുന്നത്.
അജയ് ഡേവിഡ് കാച്ചപ്പിള്ളിയാണ് ഛായാഗ്രഹണം. സഹനിര്‍മാണം – വി സി പ്രവീണ്‍, ബൈജു ഗോപാലന്‍, സുജിത് ജെ നായര്‍, ഷാജി. ക്രിയേറ്റീവ് ഡയറക്ടര്‍ – അഭിലാഷ് ജോഷി, എഡിറ്റര്‍ – ശ്യാം ശശിധരന്‍, സംഗീതം – ജേക്‌സ് ബിജോയ്, ഗാനരചന – മനു മഞ്ചിത്, ജ്യോതിഷ് കാശി, എക്‌സിക്യൂട്ടീവ് പ്രൊഡ്യൂസേഴ്‌സ് – സെബാസ്റ്റ്യന്‍ കൊണ്ടൂപറമ്പില്‍, തോമസ് ജോണ്‍, കൃഷ്ണമൂര്‍ത്തി. സൗണ്ട് ഡിസൈന്‍ – വിഷ്ണു ഗോവിന്ദ്, ശ്രീശങ്കര്‍, ആര്‍ട്ട് – നിമേഷ് എം താനൂര്‍ മേക്കപ്പ് റോണക്‌സ് സേവ്യര്‍, കോസ്റ്റ്യൂം – പ്രവീണ്‍ വര്‍മ, പ്രൊഡക്ഷന്‍ കണ്‍ട്രോളര്‍ – എസ് മുരുകന്‍, ചീഫ് അസോസിയേറ്റ് ഡയറക്ടര്‍ സിബി ജോസ് ചാലിശ്ശേരി, സ്റ്റില്‍സ് – നന്ദു ഗോപാലകൃഷ്ണന്‍, ഡിസൈന്‍സ് – ഓള്‍ഡ് മങ്ക്‌സ്. പി ആര്‍ ഒ – മഞ്ജു ഗോപിനാഥ്.
