മലയാള സിനിമാപ്രേക്ഷകരുടെ പ്രിയപ്പെട്ട നടനാണ് സുരേഷ് ഗോപി. കഴിഞ്ഞയിടെ തിയറ്ററുകളിൽ എത്തിയ പാപ്പൻ സിനിമയിൽ സുരേഷ് ഗോപിക്ക് ഒപ്പം മകൻ ഗോകുൽ സുരേഷും ഒരു പ്രധാന വേഷത്തിൽ എത്തിയിരുന്നു. സിനിമയുടെ പ്രമോഷന്റെ ഭാഗമായി നിരവധി അഭിമുഖങ്ങളിൽ സുരേഷ് ഗോപി മകൻ ഗോകുൽ സുരേഷിന് ഒപ്പം എത്തിയിരുന്നു. ഇത്തരത്തിൽ ബിഹൈൻഡ് വുഡ്‌സിന്റെ അഭിമുഖത്തിൽ പങ്കെടുത്തപ്പോൾ അവതാരക പറഞ്ഞ വാക്കുകളും അതിന് സുരേഷ് ഗോപി കൊടുത്ത മാസ് മറുപടികളുമാണ് വൈറലായിരിക്കുന്നത്.
ഗോകുൽ അത്ര സ്മാർട്ട് ആകുന്നില്ല അതുകൊണ്ട് ഗോകുലിന് ഞാനൊരു ടാസ്ക് കൊടുക്കാൻ പോകുവാണ് എന്നായിരുന്നു അവതാരക പറഞ്ഞത്. അവതാരകയുടെ ഈ പരാമർശത്തിനാണ് സുരേഷ് ഗോപി നല്ല കിടിലൻ മറുപടി കൊടുത്തത്. ‘ഗോകുൽ സ്മാർട്ട് ആകണമെങ്കിൽ നിങ്ങൾ ഈ സ്ഥാനത്ത് (സുരേഷ് ഗോപി ഇരിക്കുന്ന സ്ഥാനത്ത്) അവന്റെ പ്രായത്തിലുള്ള ഒരു പയ്യനെ കൊണ്ടുവന്നു ഇരുത്തുക. രാഹുൽ മാധവനെയോ ചന്തുവിനെയോ, അവരെ കൊണ്ടുവന്ന് ഇരുത്തുക. ഇനി അതുമല്ലെങ്കിൽ, നൈലയെ ഇരുത്തേണ്ട, കുറച്ച് പൊസസീവാ ഞാൻ. നിതയെ ഇരുത്തിക്കോ, അല്ലെങ്കിൽ ആ മാളവികയെ ഇരുത്തുക, അല്ലെങ്കിൽ ഡയാന അവരെ ഇരുത്തുക’ – ഇതായിരുന്നു സുരേഷ് ഗോപി നൽകിയ മറുപടി.
ഏതായാലും സുരേഷ് ഗോപിയുടെ മറുപടി ആരാധകർക്കും വളരെ ഇഷ്ടപ്പെട്ടു. ‘അച്ഛൻ അടുത്തിരിക്കുമ്പോ നല്ലൊരു മകൻ അതിന്റേതായ ആദരവോടെ മാത്രമേ ഇരിക്കൂ’ എന്നായിരുന്നു ഒരു ആരാധകന്റെ മറുപടി. കഴിഞ്ഞയിടെ ഭാര്യയ്ക്കും മക്കള്‍ക്കുമൊപ്പമുള്ള ചിത്രം സുരേഷ് ഗോപി പങ്കുവെച്ചിരുന്നു. മകനും നടനുമായ ഗോകുല്‍ സുരേഷ് പകര്‍ത്തിയ സെൽഫി ചിത്രമായിരുന്നു സുരേഷ് ഗോപി പങ്കുവെച്ചത്. ആരാധകര്‍ ഏറ്റെടുത്ത ചിത്രം നിമിഷനേരം കൊണ്ടാണ് വൈറലായത്. ഭാര്യയേയും മക്കളേയും ചേര്‍ത്ത് പിടിച്ച് ചിരിച്ചു നില്‍ക്കുന്ന സുരേഷ് ഗോപിയായിരുന്നു ചിത്രത്തിലെ ഹൈലൈറ്റ്.
