കുഞ്ചാക്കോ ബോബന്‍, ആന്റണി വര്‍ഗീസ്, അര്‍ജുന്‍ അശോകന്‍ എന്നിവര്‍ കേന്ദ്രകഥാപാത്രങ്ങളാകുന്ന ചാവേറിന്റെ ടീസര്‍ പുറത്തിറങ്ങി. സ്വാതന്ത്ര്യം അര്‍ദ്ധരാത്രിയില്‍, അജഗജാന്തരം എന്നീ ചിത്രങ്ങള്‍ക്ക് ശേഷം ടിനു പാപ്പച്ചന്‍ സംവിധാനം നിര്‍വഹിക്കുന്ന ചിത്രമാണിത്. ചാവേര്‍ എന്ന എഴുത്തില്‍ പോലും കഥാപാത്രങ്ങളുടെ ഒരു ആവിഷ്‌കാരം പകര്‍ന്നിരിക്കുന്ന ടൈറ്റില്‍ പോസ്റ്ററിന്റെ ഉള്ളടക്കവും കൂടി കൂട്ടിച്ചേര്‍ത്താണ് ടീസര്‍ പുറത്തിറങ്ങിയിരിക്കുന്നത്.
ടിനു പാപ്പച്ചനും കുഞ്ചാക്കോ ബോബനും ആദ്യമായി ഒന്നിക്കുന്ന ചിത്രമെന്ന പ്രത്യേകതയും ചാവേറിനുണ്ട്. തിങ്കളാഴ്ച നിശ്ചയം ഫെയിം മനോജ്, സജിന്‍, അനുരൂപ് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അരുണ്‍ നാരായണ്‍ പ്രൊഡക്ഷന്‍സ്, കാവ്യ ഫിലിം കമ്പനി എന്നീ ബാനറുകളില്‍ അരുണ്‍ നാരായണ്‍, വേണു കുന്നപ്പിള്ളി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ചിത്രത്തിന് തിരക്കഥ ഒരുക്കിയിരിക്കുന്നത് നടനും സംവിധായകനുമായ ജോയ് മാത്യുവാണ്.
ജിയോ എബ്രാഹം, ബിനു സെബാസ്റ്റ്യന്‍ എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്‌സ്.
ഛായാഗ്രഹണം ജിന്റോ ജോര്‍ജ്ജ് ആണ് നിര്‍വഹിച്ചിരിക്കുന്നത്. നിഷാദ് യൂസഫ് ആണ് എഡിറ്റര്‍. സംഗീതം- ജസ്റ്റിന്‍ വര്‍ഗീസ്, പ്രൊഡക്ഷന്‍ ഡിസൈന്‍- ഗോകുല്‍ ദാസ്, സൗണ്ട് ഡിസൈന്‍- രംഗനാഥ് രവി, മേക്കപ്പ്- റോണക്‌സ് സേവ്യര്‍, കോസ്റ്റ്യൂം- മെല്‍വി ജെ, സംഘട്ടനം- സുപ്രീം സുന്ദര്‍, വി എഫ് എക്സ്- ആക്‌സല്‍ മീഡിയ, ലൈന്‍ പ്രൊഡ്യൂസര്‍- സുനില്‍ സിംഗ്, ചീഫ് അസോ. ഡയറക്ടര്‍- രതീഷ് മൈക്കിള്‍, പ്രൊഡക്ഷന്‍ കണ്‍ട്രോളര്‍- ആസാദ് കണ്ണാടിക്കല്‍, പ്രൊഡക്ഷന്‍ എക്‌സിക്യുട്ടീവ്- ബ്രിജീഷ് ശിവരാമന്‍, സ്റ്റില്‍സ്- അര്‍ജുന്‍ കല്ലിങ്കല്‍, ഡിസൈന്‍സ്- മാക്ഗഫിന്‍, പി.ആര്‍.ഒ- മഞ്ജു ഗോപിനാഥ്, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍ എന്നിവരാണ് മറ്റ് അണിയറപ്രവര്‍ത്തകര്‍.
