ആൻസൺ പോളിനെ നായകനാക്കി രാജസാഗർ സംവിധാനം നിർവഹിക്കുന്ന പുതിയ ചിത്രമാണ് താൾ. ചിത്രത്തിന്റെ ഏറെ പ്രതീക്ഷകൾ പകരുന്ന ട്രെയ്‌ലർ ഇപ്പോൾ പ്രേക്ഷകരിലേക്ക് എത്തിയിരിക്കുകയാണ്. ഏറെ നിഗൂഢതകളും വേറിട്ടൊരു പ്രമേയവുമാണ് ചിത്രത്തിന്റെ കാതലെന്ന് അടിവരയിടുന്ന ഒരു ട്രെയ്‌ലറാണ് ഇപ്പോൾ പുറത്തിറങ്ങിയിട്ടുള്ളത്. പ്രണയവും വിരഹവും സൗഹൃദവുമെല്ലാം ഈ ക്യാമ്പസ് ചിത്രത്തിന്റെ ഭാഗമാകുന്നുണ്ട്. ഗ്രേറ്റ് അമേരിക്കൻ ഫിലിംസിന്റെ ക്രിസ് തോപ്പിൽ, മോണിക്ക കമ്പട്ടി, നിഷീൽ കമ്പട്ടി എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഡിസംബർ എട്ടിന് ചിത്രം തീയറ്ററുകളിൽ എത്തും.
യഥാർത്ഥ സംഭവങ്ങളെ അധികരിച്ച് ഒരുക്കിയിരിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ഡോക്ടർ ജി കിഷോറാണ്. ആൻസൺ പോൾ, രാഹുൽ മാധവ്, രഞ്ജി പണിക്കർ, അജു വർഗീസ്, സിദ്ധാർഥ് ശിവ, നോബി, അരുൺ കുമാർ, ആരാധ്യ ആൻ, രോഹിണി, വിവിയ ശാന്ത്, മറീന മൈക്കിൾ, ദേവി അജിത്ത് തുടങ്ങിയവരാണ് ചിത്രത്തിൽ അഭിനയിക്കുന്നത്. സിനു സിദ്ധാർഥ് ചിത്രത്തിന്റെ ഛായാഗ്രഹണവും പ്രദീപ് ശങ്കർ ചിത്രത്തിന്റെ എഡിറ്റിംഗും നിർവഹിച്ചിരിക്കുന്നു.
എക്സിക്യൂട്ടീവ് പ്രൊഡ്യൂസർ – സംഗീത് രവീന്ദ്രൻ, കോസ്റ്റ്യൂം ഡിസൈനർ – അരുൺ മനോഹർ, ആർട്ട് ഡയറക്ടർ – രഞ്ജിത് കൊതേരി, കൊറിയോഗ്രാഫി – സജ്‌ന നജം, മേക്കപ്പ് – അനിൽ നേമം. സംഗീതം & പശ്ചാത്തല സംഗീതം – ബിജിബാൽ, സൗണ്ട് & മിക്‌സിംഗ് – കരുൺ പ്രസാദ്, പ്രൊഡക്ഷൻ കൺട്രോളർ – കിച്ചു ഹൃദയ് മല്ല്യ, പി ആർ ഓ – പ്രതീഷ് ശേഖർ, ഡിസൈൻ – മമിജോ. സ്നേഹം മൂവിസാണ് ചിത്രം തീയറ്ററുകളിൽ പ്രദർശനത്തിന് എത്തിക്കുന്നത്.
