ദുൽഖർ സൽമാൻ നായകനാവുന്ന ബോളിവുഡ് ചിത്രം സോയ ഫാക്ടറിന്റെ ട്രയ്ലർ പുറത്തിറങ്ങി. സോനം കപൂർ നായികയാകുന്ന ചിത്രം സംവിധാനം ചെയ്തത് അഭിഷേക് ശർമയാണ്. തന്റെ രണ്ടാമത്തെ ബോളിവുഡ് ചിത്രമായ ദ സോയ ഫാക്ടറില് ക്രിക്കറ്റ് താരത്തിന്റെ വേഷത്തിലാണ് ദുല്ഖര് എത്തുന്നത്. 1983ല് ഇന്ത്യ ലോകകപ്പ് നേടിയ ദിവസം ജനിച്ച സോയ സൊളാങ്കിയെ വരുന്ന ലോകകപ്പ് ജയിക്കാന് ലക്കി ചാമായി തിരഞ്ഞെടുക്കുന്നതും തുടര്ന്നുണ്ടാകുന്ന രസകരങ്ങളായ സംഭവങ്ങളുമാണ് ചിത്രം പറയുന്നത്. ട്രെയിലറിലെ ദുൽഖറിന്റെ സിക്സ് പാക്ക് ലുക്കാണ് ഇപ്പോൾ സോഷ്യൽ മീഡിയ കീഴടക്കിയിരിക്കുന്നത്. 2008ല് പ്രസിദ്ധീകരിച്ച അനുജാ ചൗഹാന് രചിച്ച ‘ദി സോയാ ഫാക്റ്റര്’ എന്ന പുസ്തകത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.’ പ്രദ്യുമ്നന് സിങ് ആണ് ചിത്രത്തിന് തിരക്കഥ ഒരുക്കിയിരിക്കുന്നത്. ഫോക്സ് സ്റ്റാര് സ്റ്റുഡിയോസും ആഡ്ലാബ് ഫിലിംസും ചേര്ന്ന് നിര്മ്മിക്കുന്ന ചിത്രം സെപ്റ്റംബർ 20നു റിലീസ് ചെയ്യും.