ഫെബ്രുവരി 21ന് തീയറ്ററുകളിൽ എത്തുന്ന ദിലീപ് ചിത്രം കോടതിസമക്ഷം ബാലൻ വക്കീലിലെ തേൻ പനിമതിയേ എന്ന മനോഹരമായ ഗാനം പുറത്തിറങ്ങി. നാട്ടിൻപുറത്തിന്റെ മനോഹരമായ കാഴ്ചകൾക്ക് ഒപ്പം തന്നെ നല്ല അസൽ ചിരികൾക്ക് ഉള്ള വക കൂടി ഗാനം സമ്മാനിക്കുന്നുണ്ട്. എന്തായാലും ബാലൻ വക്കീലിനെ കാണാൻ ഉള്ള ആകാംക്ഷക്ക് ഇത് ഇരട്ടി ബലം നൽകുന്നുണ്ട്. സിദ്ധിഖിന്റെ കഥാപാത്രം തന്നെയാണ് ഏറെയും ചിരിപ്പിക്കുന്നത്. രാഹുൽ രാജ് ഈണമിട്ടിരിക്കുന്ന ഗാനം ആലപിച്ചിരിക്കുന്നത് ഹരി ശങ്കറാണ്. ഹരിനാരായണന്റേതാണ് വരികൾ.
ബാലന്‍ വക്കീലില്‍ ദിലീപിന്റെ കോമഡി നമ്പറുകളാകും ആകര്‍ഷണമാകുക. വിക്കന്‍ കഥാപാത്രത്തെയാണ് ദിലീപ് അവതരിപ്പിക്കുക. കോമഡി മാത്രമല്ല ആക്ഷഷനും ത്രില്ലും കോര്‍ത്തിണക്കിയ മുഴുനീള എന്റര്‍ടെയ്‌നറാകും കോടതിസമക്ഷം ബാലന്‍ വക്കീല്‍. 2 കണ്‍ട്രീസിനു ശേഷം അജുവും മംമ്തയും ദിലീപിനൊപ്പം വീണ്ടും ഒന്നിക്കുന്നു. പ്രിയ ആനന്ദ്, സുരാജ് വെഞ്ഞാറമൂട്, സൈജു കുറുപ്പ്, ബിന്ദു പണിക്കര്‍, പ്രഭാകര്‍, സിദ്ദിഖ് തുടങ്ങി വലിയ താരങ്ങളാണ് ചിത്രത്തില്‍ അണിനിരക്കുന്നത്.
