സണ്ണി വെയ്‌നും സൈജു കുറുപ്പും കേന്ദ്രകഥാപാത്രങ്ങളാകുന്ന പുതിയ ചിത്രത്തിന്റെ ടൈറ്റില്‍ പുറത്തിറങ്ങി. ‘റിട്ടണ്‍ ആന്‍ഡ് ഡയറക്ടഡ് ബൈ ഗോഡ്’ എന്നാണ് ചിത്രത്തിന്റെ പേര്. ആസിഫ് അലി, മഞ്ജു വാര്യര്‍, സൂരാജ് വെഞ്ഞാറമൂട്, അജു വര്‍ഗീസ്, ഷൈന്‍ ടോം ചാക്കോ, വിഷ്ണു ഉണ്ണിക്കൃഷ്ണന്‍, ബിബിന്‍ ജോര്‍ജ്ജ്, നമിത പ്രമോദ്, അനിഖ സുരേന്ദ്രന്‍ തുടങ്ങിയവരുടെ ഫേസ്ബുക്ക് പേജിലൂടെയാണ് ടൈറ്റില്‍ റിലീസ് ചെയ്തത്.
നവാഗതനായ ഫെബി ജോര്‍ജ് സ്റ്റോണ്‍ ഫീല്‍ഡ് ആണ് ചിത്രം സംവിധാനം ചെയ്യുന്നത്.
നെട്ടൂരാന്‍ ഫിലിംസിന്റെ ബാനറില്‍ സനൂബ് കെ യൂസഫ് ആണ് ചിത്രം നിര്‍മിക്കുന്നത്. തോമസ് ജോസ്, മാര്‍കസ്റ്റോണ്‍ എന്നിവരാണ് ചിത്രത്തിന്റെ സഹ നിര്‍മാതാക്കള്‍. ജോമോന്‍ ജോണ്‍, ലിന്റോ ദേവസ്യ, റോഷന്‍ മാത്യു എന്നിവര്‍ ചേര്‍ന്നാണ് ചിത്രത്തിന്റെ തിരക്കഥയൊരുക്കിയിരിക്കുന്നത്.
സംഗീതം- ഷാന്‍ റഹ്‌മാന്‍, പ്രൊഡക്ഷന്‍ കണ്‍ട്രോളര്‍- ജാവേദ് ചെമ്പ്, എഡിറ്റര്‍- അഭിഷേക് ജി.എ., കല- ജിതിന്‍ ബാബു, പോസ്റ്റര്‍ ഡിസൈന്‍- ഫെബിന്‍ ഷാഹുല്‍, വിഎഫ്എക്‌സ്- സന്ദീപ് ഫ്രാഡിയന്‍. ‘റോയി’ എന്ന ചിത്രത്തിനു ശേഷം സനൂബ് കെ. യൂസഫ് നിര്‍മ്മിക്കുന്ന രണ്ടാമത്തെ ചിത്രമാണ് ‘റിട്ടണ്‍ ആന്റ് ഡയറക്ടഡ് ബൈ ഗോഡ്’. പി.ആര്‍.ഒ.- എ.എസ്. ദിനേശ്.
