കേരള ഗവര്ണര് ആരിഫ് മുഹമ്മദ് ഖാനെ കുടുംബസമേതം സന്ദര്ശിച്ചതിന്റെ സന്തോഷം കുറിച്ച് ചിത്രം പങ്കുവച്ച് നടന് ടൊവീനോ തോമസ്. സംഭവബഹുലവും മനോഹരവുമായ 2021 വര്ഷം പൂര്ത്തിയാക്കാനുള്ള മികച്ച മാര്ഗമാണിതെന്ന് ചിത്രത്തിനൊപ്പം ടൊവിനോ കുറിച്ചു. ഗവര്ണറും കുടുംബവും മിന്നല് മുരളിയെ സ്നേഹിക്കുന്നുണ്ടെന്ന് അറിഞ്ഞതില് അതിയായ സന്തോഷമുണ്ടെന്നും താരം കൂട്ടിച്ചേര്ത്തു
View this post on Instagram
‘മിന്നല് മുരളി;യാണ് ടൊവിനോയുടേതായി ഏറ്റവും ഒടുവില് പുറത്തിറങ്ങിയ ചിത്രം. ബേസില് ജോസഫിന്റെ സംവിധാനത്തില് ഒരുങ്ങിയ ചിത്രം നെറ്റ്ഫ്ലിക്സിലൂടെയാണ് പ്രേക്ഷകരിലേക്കെത്തിയത്. ‘ഗോദ’ എന്ന സൂപ്പര് ഹിറ്റ് സിനിമയ്ക്ക് ശേഷം ടൊവിനോ തോമസും സംവിധായകന് ബേസില് ജോസഫും ഒന്നിക്കുന്ന സിനിമയാണ് മിന്നല് മുരളി. മലയാളം, തമിഴ്, തെലുങ്ക്, കന്നഡ, ഹിന്ദി എന്നിങ്ങനെ അഞ്ച് ഭാഷകളിലാണ് ചിത്രം എത്തിയിരിക്കുന്നത്. ആഗോളതലത്തില് തന്നെ മികച്ച പ്രതികരണമാണ് ചിത്രത്തിന് ലഭിക്കുന്നത്.
തിരുവനന്തപുരത്ത് വാശി എന്ന സിനിമയുടെ ലൊക്കേഷനിലാണ് ടൊവിനോ ഇപ്പോള് ഉള്ളത്. നവാഗതനായ വിഷ്ണു ജി രാഘവ് സംവിധാനം ചെയ്യുന്ന ചിത്രത്തില് കീര്ത്തി സുരേഷാണ് ടൊവിനോയുടെ നായികയായി എത്തുന്നത്.