നാല് റൊമാന്റിക് ത്രില്ലറുകൾ ഉൾക്കൊള്ളുന്ന സീ 5ന്റെ വെബ്‌സീരീസാണ് ഫോർബിഡൻ ലൗ. അറേഞ്ച്ഡ് മാര്യേജ്, അനാമിക, റൂൾസ് ഓഫ് ദി ഗെയിം, ഡയഗ്നോസിസ് ഓഫ് ലൗ എന്നീ സെഗ്മെന്റുകളാണ് ഈ സീരീസിലുള്ളത്. പ്രിയദർശൻ, പ്രദീപ് സർക്കാർ, അനിരുദ്ധ റോയ് ചൗധരി, മഹേഷ് മഞ്ജരേക്കർ എന്നിവരാണ് സംവിധായകർ. പ്രണയത്തിലെ അസൂയയും കെണികളുമെല്ലാമാണ് ഇതിൽ ചർച്ചാ വിഷയമാകുന്നത്.
പൂജ കുമാർ, ഹർഷ ചയ്യ, ആദിത്യ സീൽ എന്നിവർ കേന്ദ്രകഥാപാത്രങ്ങളാകുന്ന അനാമിക എന്ന സെഗ്മെന്റാണ് പ്രിയദർശൻ സംവിധാനം ചെയ്യുന്നത്. വിവാഹ ജീവിതം ബോറിങ്ങായി തുടങ്ങിയ ഒരു യുവതി ഒരു ചെറുപ്പക്കാരനുമായി ഇഷ്ടത്തിലാവുകയും അത് ജീവിതത്തെ എങ്ങനെ ബാധിക്കുന്നുവെന്നതുമാണ് അനാമികയുടെ പ്രമേയം. വിശ്വരൂപം, ഉത്തമവില്ലൻ എന്നീ ചിത്രങ്ങളിലൂടെ പ്രേക്ഷകർക്ക് പരിചിതയാണ് പൂജ.
