ഷാഫി സംവിധാനം ചെയ്യുന്ന ‘ആനന്ദം പരമാനന്ദം’ എന്ന ചിത്രത്തിന്റെ ട്രെയിലര്‍ പുറത്തിറങ്ങി. ഇന്ദ്രന്‍സ്, ഷറഫുദ്ദീന്‍ എന്നിവരാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഇന്ദ്രന്‍സ് ദിവാകര കുറുപ്പായും ഷറഫുദ്ദീന്‍ ഗിരീഷ് പി.പിയുമായാണ് ചിത്രത്തിലെത്തുന്നത്. എം സിന്ധുരാജ് ആണ് ചിത്രത്തിന്റെ രചന നിര്‍വഹിച്ചിരിക്കുന്നത്. ചിത്രം നിര്‍മിക്കുന്നത് സപ്ത തരംഗ് ക്രിയേഷന്‍സ് ആണ്.
അനഘ നാരായണനാണ് ചിത്രത്തിലെ നായിക കഥാപാത്രത്തെ അവതരിപ്പിച്ചിരിക്കുന്നത്. ഇന്ദ്രന്‍സിനും ഷറഫുദ്ദീനും പുറമേ അജു വര്‍ഗീസ്, ബൈജു സന്തോഷ്, സാദിഖ്, സിനോയ് വര്‍ഗീസ്, ഒ പി ഉണ്ണികൃഷ്ണന്‍, നിഷ സാരംഗ് തുടങ്ങിയവരും ചിത്രത്തില്‍ അഭിനയിക്കുന്നുണ്ട്. മനോജ് പിള്ളയാണ് ഛായാഗ്രഹണം. മനു മഞ്ജിതിന്റെ വരികള്‍ക്ക് ഷാന്‍ റഹ്‌മാന്‍ സംഗീതം പകര്‍ന്നിരിക്കുന്നു. സാജന്‍ എഡിറ്റിംഗും അര്‍ക്കന്‍ എസ് കര്‍മ്മ ആര്‍ട്ട് ഡിസൈനിംഗും നിര്‍വഹിച്ചിരിക്കുന്നു.
പ്രൊഡക്ഷന്‍ കണ്‍ട്രോളര്‍- ഡിക്സന്‍ പൊടുത്താസ്, മേക്കപ്പ്- പട്ടണം റഷീദ്, ഗായകര്‍- വിജയ് യേശുദാസ്, വിനീത് ശ്രീനിവാസന്‍, കോസ്റ്റ്യൂംസ്- സമീറ സനീഷ്, പിആര്‍ഒ- വാഴൂര്‍ ജോസ്, ടൈറ്റില്‍ ഡിസൈന്‍- ടെന്‍പോയിന്റ്, ഡിസൈന്‍- പ്രമേഷ് പ്രഭാകര്‍, സ്റ്റില്‍സ്- ഹരി തിരുമല, ഡിജിറ്റല്‍ മാര്‍ക്കറ്റിങ് അനൂപ് സുന്ദരന്‍ എന്നിവരാണ് മറ്റ് അണിറപ്രവര്‍ത്തകര്‍.
