സൗബിന്‍ ഷാഹിര്‍, ബിനു പപ്പു, ലിജോ മോള്‍, നിഖില വിമല്‍ എന്നിവര്‍ കേന്ദ്ര കഥാപാത്രങ്ങളായി എത്തുന്ന’അയല്‍വാശി’എന്ന ചിത്രത്തിന്റെ ട്രെയിലര്‍ പുറത്ത്. ഇദ് റിലീസായി എത്തുന്ന ചിത്രം തമാശയുടെ പശ്ചാത്തലത്തില്‍ ഒരുങ്ങുന്ന ഒരു ഫാമിലി ഡ്രാമയാണ്. നവാഗതനായ ഇര്‍ഷാദ് പരാരിയാണ് ചിത്രം സംവിധാനം ചെയ്യുന്നത്.
നസ്ലീന്‍, വിജയരാഘവന്‍, ഗോകുലന്‍, ജഗദീഷ്, സ്വാതി ദാസ് പ്രഭു, കോട്ടയം നസീര്‍, അഖില ഭാര്‍ഗവന്‍, പാര്‍വ്വതി ബാബു എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ആഷിഖ് ഉസ്മാന്‍ പ്രൊഡക്ഷന്‍സിന്റെയും ലോക്കല്‍ അജണ്ടയുടെയും ബാനറില്‍ ആഷിഖ് ഉസ്മാനും തല്ലുമാലയുടെ രചയിതാവുമായ മുഹ്‌സിന്‍ പെരാരിയും ചേര്‍ന്നാണ് ചിത്രം നിര്‍മിക്കുന്നത്.
സജിത്ത് പുരുഷന്‍, സിദ്ദിഖ് ഹൈദര്‍, ആഷിഖ് എസ്, സുധര്‍മന്‍ വള്ളികുന്ന്, എന്‍.എം ബാദുഷ, വിക്കി, കിഷന്‍, എം.ആര്‍ രാജാകൃഷ്ണന്‍, റോണെക്‌സ് സേവ്യര്‍, മഷര്‍ ഹംസ, നഹാസ് നാസര്‍, ഓസ്റ്റിന്‍ ഡാന്‍, രോഹിത് കെ സുരേഷ് എന്നിവരാണ് ചിത്രത്തിന്റെ മറ്റ് അണിയറപ്രവര്‍ത്തകര്‍.
