പ്രേക്ഷകര്‍ കാത്തിരിക്കുന്ന നാദിര്‍ഷ ചിത്രം ‘ഈശോ’യുടെ ട്രെയിലറെത്തി. കൊച്ചി ലുലുമാളില്‍ വച്ച് നടന്ന ചടങ്ങില്‍ ജയസൂര്യയും ആസിഫലിയും ചേര്‍ന്നാണ് ട്രെയിലര്‍ പുറത്തിറക്കിയത്. ആകാംക്ഷയും കൗതുകവും നിറയ്ക്കുന്നതാണ് ട്രെയിലര്‍. ജയസൂര്യക്കൊപ്പം ജാഫര്‍ ഇടുക്കിയും ഒരു നിര്‍ണായക കഥാപാത്രത്തെ അവതരിപ്പിക്കുന്നുണ്ട്. സോണി ലിവിലൂടെ ഒക്ടോബര്‍ അഞ്ചിനാണ് ചിത്രം പുറത്തിറങ്ങുന്നത്. മലയാളം, തമിഴ്, തെലുങ്ക്, ഹിന്ദി, കന്നഡ എന്നീ ഭാഷകളിലാണ് ചിത്രം പ്രേക്ഷകരിലേക്ക് എത്തുന്നത്.
ഹാസ്യത്തിന് പ്രാധാന്യമുള്ള ചിത്രങ്ങളായിരുന്നു മുന്‍പൊരുക്കിയിരുന്നതെങ്കില്‍ ഇത്തവണ തികച്ചും വ്യത്യസ്തമായി ത്രില്ലര്‍ സ്വഭാവമുള്ള ചിത്രവുമായാണ് നാദിര്‍ഷ എത്തിയിരിക്കുന്നത്.
സുനീഷ് വാരനാടിന്റേതാണ് ചിത്രത്തിന്റെ തിരക്കഥ. നമിത പ്രമോദ്, ജോണി ആന്റണി, സുരേഷ് കൃഷ്ണ, കോട്ടയം നസീര്‍ തുടങ്ങിയവരും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. അരുണ്‍ നാരായണ്‍ പ്രൊഡക്ഷന്‍സിന്റെ ബാനറില്‍ അരുണ്‍ നാരായണാണ് ചിത്രം നിര്‍മിക്കുന്നത്.
റോബി വര്‍ഗീസാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. സുജേഷ് ഹരിയുടെ വരികള്‍ക്ക് സംഗീതം പകരുന്നത് നാദിര്‍ഷ തന്നെയാണ്. എന്‍ എം ബാദുഷാ, ബിനു സെബാസ്റ്റ്യന്‍ എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്സ്. റീറെക്കോര്‍ഡിങ്ങ്- ജേക്‌സ് ബിജോയ്, ആര്‍ട്ട്- സുജിത് രാഘവ്, എഡിറ്റിംഗ്- ഷമീര്‍ മുഹമ്മദ്, പ്രൊഡക്ഷന്‍ കണ്‍ട്രോളര്‍- നന്ദു പൊതുവാള്‍, കോസ്റ്റ്യൂം- അരുണ്‍ മനോഹര്‍, ആക്ഷന്‍- ജോളി ബാസ്റ്റിന്‍, കൊറിയോഗ്രാഫി- ബൃന്ദ മാസ്റ്റര്‍, ചീഫ് അസ്സോസിയേറ്റ്- സൈലെക്‌സ് എബ്രഹാം, അസ്സോസിയേറ്റ്- വിജീഷ് പിള്ളൈ, കോട്ടയം നസീര്‍, മേക്കപ്പ്- പി വി ശങ്കര്‍, സ്റ്റില്‍സ്- സിനറ്റ് സേവ്യര്‍, ഡിസൈന്‍- ടെന്‍ പോയിന്റ് ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍.
