ഷറഫുദ്ദീന്‍, നൈല ഉഷ, അപര്‍ണദാസ് എന്നിവര്‍ കേന്ദ്രകഥാപാത്രങ്ങളാകുന്ന പ്രിയന്‍ ഓട്ടത്തിലാണ് എന്ന ചിത്രത്തിന്റെ ട്രെയിലര്‍ പുറത്തിറങ്ങി. എവിടെയും സമയത്തിനെത്താന്‍ കഴിയാത്ത, ജീവിതം മുഴുവന്‍ ഓട്ടത്തിലായ ഒരു യുവാവിന്റെ ജീവിതമാണ് ചിത്രത്തില്‍ രസകരമായി അവതരിപ്പിച്ചിരിക്കുന്നത്. ടൈറ്റില്‍ കഥാപാത്രത്തെ അവതരിപ്പിച്ചിരിക്കുന്നത് ഷറഫുദ്ദീനാണ്.
കെയര്‍ ഓഫ് സൈറ ബാനു എന്ന ചിത്രത്തിന് ശേഷം ആന്റണി സോണി സംവിധാനം ചെയ്യുന്ന ചിത്രമാണ് ‘പ്രിയന്‍ ഓട്ടത്തിലാണ്’. സന്തോഷ് തൃവിക്രമനാണ് ചിത്രം നിര്‍മിക്കുന്നത്. അഭയകുമാര്‍, അനില്‍ കുര്യന്‍ എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
പി. എം ഉണ്ണികൃഷ്ണന്‍ ആണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. ജോയല്‍ കവി എഡിറ്റിംഗും അഭയകുമാര്‍, പ്രജീഷ് പ്രേം എന്നിവര്‍ ഗാനരചനയും നിര്‍വഹിച്ചിരിക്കുന്നു. ലിജിന്‍ ബംബീനോ ആണ് സംഗീത സംവിധാനം നിര്‍വഹിച്ചിരിക്കുന്നത്. അനാര്‍ക്കലി മരക്കാന്‍, ബിജു സോപാനം. ജാഫര്‍ ഇടുക്കി തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
