കായംകുളം കൊച്ചുണ്ണിക്ക് ശേഷം നിവിന് പോളിയും റോഷന് ആന്ഡ്രൂസും ഒന്നിക്കുന്ന സാറ്റര്ഡേ നൈറ്റ് എന്ന ചിത്രത്തിന്റെ ട്രെയിലര് പുറത്തിറങ്ങി. സൗഹൃദം പ്രമേയമാക്കിയാണ് ചിത്രം ഒരുക്കിയിരിക്കുന്നത്. ചിത്രത്തിലെ കേന്ദ്ര കഥാപാത്രമായി എത്തുന്നത് നിവിന് പോളിയാണ്. സുഹൃത്തുക്കളായി അജു വര്ഗീസ്, സിജു വില്സണ്, സൈജു കുറുപ്പ് എന്നിവരും എത്തുന്നു. പക്കാ കോമഡി ചിത്രമായിട്ടാണ് സാറ്റര്ഡേ നൈറ്റ് പ്രേക്ഷകരിലേക്ക് എത്തുന്നത്.
വന് ഹൈപ്പോടെയാണ് സാറ്റര്ഡേ നൈറ്റ് എത്തുന്നത്. നേരത്തേ പുറത്തിറങ്ങിയ ചിത്രത്തിന്റെ പോസ്റ്ററുകള് സോഷ്യല് മീഡിയയില് തരംഗമായിരുന്നു. ഇതിന് പിന്നാലെ എത്തിയ ചിത്രത്തിന്റെ ടീസറും പ്രേക്ഷകര് ഏറ്റെടുത്തു. നവീന് ഭാസ്കറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അജിത്ത് വിനായക ഫിലിംസിന്റെ ബാനറില് വിനായക അജിത്താണ് ചിത്രം നിര്മിക്കുന്നത്. സാനിയ ഇയ്യപ്പന്, മാളവിക, പ്രതാപ് പോത്തന്, ശാരി, വിജയ് മേനോന്, അശ്വിന് മാത്യു എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
അസ്ലം കെ പുരയില് ഛായാഗ്രഹണം നിര്വഹിക്കുന്ന ചിത്രത്തിനായി ജേക്സ് ബിജോയ് ആണ് സംഗീതം ഒരുക്കുന്നത്. അനീസ് നാടോടിയാണ് പ്രൊഡക്ഷന് ഡിസൈനര്. കോസ്റ്റ്യൂം ഡിസൈനര്- സുജിത്ത് സുധാകരന്, മേക്കപ്പ്- സജി കൊരട്ടി, ആര്ട്ട് ഡയറക്ടര്- ആല്വിന് അഗസ്റ്റിന്, പ്രൊഡക്ഷന് കണ്ട്രോളര്- നോബിള് ജേക്കബ്, കളറിസ്റ്റ്- ആശിര്വാദ് ഹദ്കര്, ഡി ഐ- പ്രൈം ഫോക്കസ് മുംബൈ, സൗണ്ട് ഡിസൈന്- രംഗനാഥ് രവി, ഓഡിയോഗ്രാഫി- രാജകൃഷ്ണന് എം ആര്, ആക്ഷന്- അലന് അമിന്, മാഫിയ ശശി, കൊറിയോഗ്രാഫര്- വിഷ്ണു ദേവ, സ്റ്റില്സ്- സലീഷ് പെരിങ്ങോട്ടുക്കര, ഡിസൈന്- ആനന്ദ് ഡിസൈന്സ്, ചീഫ് അസ്സോസിയേറ്റ് ഡയറക്ടര്- കെ. സി. രവി, അസോസിയേറ്റ് ഡയറക്ടര്- ദിനേഷ് മേനോന്, മാര്ക്കറ്റിംഗ് കണ്സള്ട്ടന്റ്- വിവേക് രാമദേവന്, പിആര്ഓ- ശബരി.