മലയാളി പ്രേക്ഷകരുടെ പ്രിയ യുവനായകൻ ഉണ്ണി മുകുന്ദൻ നായകനായി എത്തുന്ന ഏറ്റവും പുതിയ ചിത്രമാണ് ഷെഫീഖിന്റെ സന്തോഷം. നവംബർ 25ന് ചിത്രം തിയറ്ററുകളിൽ റിലീസ് ചെയ്യും. ചിത്രത്തിന്റെ ടീസറിന് മികച്ച പ്രതികരണമായിരുന്നു സോഷ്യൽ മീഡിയയിൽ ലഭിച്ചത്. ഹിറ്റ് ചിത്രം മേപ്പടിയാനു ശേഷം ഉണ്ണി മുകുന്ദന്‍ നിര്‍മ്മിക്കുന്ന അടുത്ത ചിത്രമാണ് “ഷെഫീക്കിന്‍റെ സന്തോഷം”. നവാഗതനായ അനൂപ് പന്തളമാണ്, ഉണ്ണി മുകുന്ദന്‍ ഫിലിംസിന്‍റെ ബാനറിൽ ഒരുങ്ങുന്ന “ഷെഫീക്കിന്‍റെ സന്തോഷം” സംവിധാനം ചെയ്യുന്നത്. പാറത്തോട് എന്ന ചെറിയ ഗ്രാമത്തിലെ ഒരു സാധാരണ കുടുംബത്തില്‍ നിന്നുള്ള പ്രവാസിയായ ഷെഫീഖ് എന്ന ചെറുപ്പക്കാരന്റെ കഥയാണ് ചിത്രം പറയുന്നത്.
മനോജ് കെ ജയൻ, ദിവ്യ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ, അനീഷ് രവി, അരുൺ ശങ്കരൻ പാവുമ്പ, ബോബൻ സാമുവൽ, അസിസ് നെടുമങ്ങാട്, ജോർഡി പൂഞ്ഞാർ , ഉണ്ണി നായർ എന്നിവരാണ് ചിത്രത്തിൽ മറ്റ് മുഖ്യ വേഷങ്ങളിൽ എത്തുന്നത്. ഷാൻ റഹ്മാനാണ് സംഗീത സംവിധാനം. എൽദോ ഐസക് ഛായാഗ്രഹണവും നൗഫൽ അബ്ദുള്ള എഡിറ്റിങ്ങും നിർവഹിക്കുന്നു.
ചിത്രത്തിന്റെ പ്രൊമോഷന്റെ ഭാഗമായി നൽകിയ അഭിമുഖത്തിൽ നെപോട്ടിസത്തെ കുറിച്ച് തുറന്ന് പറഞ്ഞിരിക്കുകയാണ് ഉണ്ണി മുകുന്ദൻ. എന്നാൽ ഏറെ രസകരമായ രീതിയിലാണ് താരം ഇക്കാര്യത്തെ കുറിച്ച് പറഞ്ഞിരിക്കുന്നത്. എല്ലാ നടന്മാരും അവരുടെ മക്കളെ സിനിമയിലേക്ക് കൊണ്ട് വരുമ്പോൾ താൻ തന്റെ അച്ഛനെയാണ് സിനിമയിലേക്ക് ഇൻട്രൊഡ്യൂസ് ചെയ്തതെന്നാണ് ഉണ്ണി മുകുന്ദൻ സരസമായ രീതിയിൽ പറഞ്ഞിരിക്കുന്നത്. ഇതിനെ റിവേഴ്‌സ് നെപോട്ടിസം എന്നൊക്കെ വേണമെങ്കിൽ വിളിക്കാമെന്നും താരം പറഞ്ഞു. അഭിമുഖത്തിന്റെ പൂർണരൂപം ഇവിടെ കാണാം..
