വനിതയുടെ പുതുവത്സര സർപ്രൈസ് പുറത്ത്; താരകുടുംബത്തിന്റെ ചിത്രം സോഷ്യൽ മീഡിയയിൽ വൈറൽ

പുതുവത്സരത്തിൽ വനിത മാഗസിൻ വായനക്കാർക്കായി ഒരുക്കിയ സസ്പെൻസും സർപ്രൈസും പുറത്ത്. ‘ഈ കുടുംബം ആദ്യമായി വനിതയിലൂടെ നാളെ പുറത്തിറങ്ങുന്നു’ എന്ന അടിക്കുറിപ്പിനൊപ്പം ഒരു കുടുംബത്തിന്റെ രേഖാചിത്രം സോഷ്യൽ മീഡിയയിൽ വൈറലായിരുന്നു. ‘വനിതയിലൂടെ പുറത്തിറങ്ങുന്ന ആ കുടുംബം’ ഏതെന്ന ആശങ്കകൾക്കാണ് കഴിഞ്ഞദിവസം അവസാനമായത്. അത് ദിലീപും കാവ്യ മാധവനും മീനാക്ഷിയും മഹാലക്ഷ്മിയും അടങ്ങിയ കുടുംബമായിരുന്നു.

ജനപ്രിയതാരം ദിലീപിന്റെ കുടുംബത്തിന്റെ ചിത്രം ആരാധകർ ഏറ്റെടുത്തു. ഭാര്യ കാവ്യ മാധവനും മക്കളായ മീനാക്ഷിയും മഹാലക്ഷ്മിയും അടങ്ങുന്ന കുടുംബഫോട്ടോ ആയിരുന്നു വനിത കവറിൽ. ‘ഒറ്റ പ്രാർത്ഥന മാത്രം’ – ദിലീപ് കുടുംബത്തോടൊപ്പം’ എന്ന കാപ്ഷനോടെയാണ് കവർ ഫോട്ടോ. എന്താണ് താരകുടുംബത്തിന് പറയാനുള്ളത് എന്ന ആകാംക്ഷയിലാണ് ആരാധകർ. ചുവപ്പ് നിറത്തിലുള്ള വസ്ത്രമാണ് കാവ്യയും മീനാക്ഷിയും മഹാലക്ഷ്മിയും അണിഞ്ഞിരിക്കുന്നത്. നീല നിറമുള്ള ഷർട്ട് ആണ് ദിലീപ് അണിഞ്ഞിരിക്കുന്നത്.

വിദ്യാർത്ഥിയായിരിക്കുന്ന സമയത്ത് മിമിക്രിയിലൂടെയാണ് ദിലീപ് കലാരംഗത്ത് എത്തിയത്. കലാഭവനിൽ മിമിക്രി കലാകാരനായി തിളങ്ങിയ അദ്ദേഹം സിനിമയിൽ സഹസംവിധായകനായി. കമൽ സംവിധാനം ചെയ്ത ‘എന്നോടിഷ്ടം കൂടാമോ’ എന്ന സിനിമയിൽ ചെറിയൊരു വേഷം ചെയ്തു. വിവാഹമോചനവും രണ്ടാം വിവാഹവും അതിനിടയിൽ ഉണ്ടായ കേസും അറസ്റ്റും ഒക്കെ കഴിഞ്ഞ് താരം ഒരു പൊതുപരിപാടികളിലും അഭിമുഖങ്ങളിലും അങ്ങനെ പങ്കെടുത്തിരുന്നില്ല. നാദിർഷ സംവിധാനം ചെയ്ത ‘കേശു ഈ വീടിന്റെ നാഥൻ’ എന്ന ചിത്രമാണ് ദിലീപിന്റേതായി അവസാനമായി റിലീസ് ആയത്.