അക്ഷയ് രാധാകൃഷ്ണന്‍ നൂറിന്‍ ഷെരിഫ് ഷൈന്‍ ടോം ചാക്കോ റോമ എന്നിവര്‍ പ്രധാന വേഷത്തില്‍ എത്തുന്ന വെള്ളേപ്പം ലിറിക് വീഡിയോ പുറത്തിറങ്ങി. നല്ല നാളുകള്‍ തിരികെ വരും എന്നു തുടങ്ങുന്ന ഗാനം പാട്ടിന് ഈണം ഒരുക്കിയിരിക്കുന്നത് എറിക്ക് ജോണ്‍സനാണ്. വരികള്‍ ഡിനു മോഹന്‍. പ്രത്യാശയുടെ കൂടെ എന്ന സന്ദേശമാണ് ഗാനം നല്‍കുന്നത്. വിനീത് ശ്രീനിവാസനും എമി എഡ്വിനും ചേര്‍ന്നാണ് ഗാനം.
തൃശൂരിന്റെ പ്രാതല്‍ മധുരമായ വെള്ളേപ്പത്തിന്റെയും വെള്ളേപ്പങ്ങാടിയുടെയും പശ്ചാത്തലത്തില്‍ കഥ പറയുന്ന വെള്ളേപ്പം, നിര്‍മ്മിക്കുന്നത് ബറോക്ക് ഫിലിംസിന്റെ ബാനറില്‍ ജിന്‍സ് തോമസും ദ്വാരക് ഉദയശങ്കറും ചേര്‍ന്നാണ്. കഥയും തിരക്കഥും നവാഗതനായ ജീവന്‍ ലാല്‍.
ഷൈന്‍ ടോം ചാക്കോ, അക്ഷയ് രാധാകൃഷ്ണന്‍, നൂറിന്‍ ഷെരീഫ് എന്നിവര്‍ പ്രധാന കഥാപാത്രങ്ങളായി എത്തുന്ന ചിത്രത്തില്‍, ഒരിടവേളക്ക് ശേഷം തിരിച്ചെത്തുന്ന റോമയും അണിനിരക്കുന്നു. ശ്രീജിത്ത് രവി, കൈലാഷ്, സോഹന്‍ സീനുലാല്‍, വൈശാഖ് സിവി, ഫാഹിം സഫര്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു.
