മനസ്സിനക്കരെ എന്ന ചിത്രത്തിലൂടെ അഭിനയ ജീവിതത്തിലേക്ക് കടന്നു വന്ന് പിന്നീട് മോഹൻലാലിന്റെയും മമ്മൂട്ടിയുടെയും ഒക്കെ നായികയായി വേഷമിട്ട് ഇപ്പോൾ തമിഴിൽ ലേഡി സൂപ്പർസ്റ്റാർ ആയി തിളങ്ങുന്ന താരമാണ് നയൻതാര. നയൻതാരയുടെയും വിഘ്നേശ് ശിവന്റെയും വിവാഹവാർത്തകൾ എന്നും ഗോസിപ്പ് കോളങ്ങളിൽ നിറഞ്ഞു നിൽക്കുന്നവയാണ്. ഇരുവരും വിവാഹിതരാകാൻ പോവുകയാണെന്ന് വാർത്തകൾ പ്രചരിച്ചിരുന്നു എങ്കിലും ഒന്നിനും ഔദ്യോഗിക പ്രഖ്യാപനങ്ങൾ ഒന്നും ഉണ്ടായില്ല. ഇപ്പോൾ വിഘ്നേശ് പങ്ക് വെച്ചിരിക്കുന്ന പുതിയ ചിത്രമാണ് ആരാധകർ ഏറ്റെടുത്തിരിക്കുന്നത്. നയൻതാരക്കൊപ്പമുള്ള ചിത്രമാണ് വിഘ്നേശ് പങ്ക് വെച്ചിരിക്കുന്നത്.
ലോക് ഡൗൺ കാലം മുഴുവനും നയൻതാരയും വിഘ്നേഷും ഒരുമിച്ചാണ് താമസിച്ചിരുന്നത്. നയന്‍താരയെ നായികയാക്കി കാതുവാകുല രെണ്ടു കാതല്‍ എന്ന സിനിമായാണ് വിഗ്നേശ് ശിവന്‍ സംവിധാനം ചെയ്യുന്ന ഏറ്റവും പുതിയ ചിത്രം. കുഞ്ചാക്കോ ബോബനെ നായകനാക്കി അപ്പു ഭട്ടതിരി സംവിധാനം നിർവഹിക്കുന്ന നിഴലാണ് നയൻതാരയുടെ പുതിയ മലയാള ചിത്രം.
