കിച്ച സുദീപ് നായകനായി എത്തുന്ന ‘വിക്രാന്ത് റോണ’ സിനിമയുടെ ട്രയിലർ റിലീസ് ചെയ്തു. ലാഹരി മ്യൂസിക് – ടി സീരീസിന്റെ യുട്യൂബ് ചാനലിലൂടെയാണ് റിലീസ് ചെയ്തത്. ജൂലൈ 28ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്യും. കിച്ച സുദീപ്, നിരുപ് ഭണ്ഡാരി, നീത അശോക്, ജാക്വിലിൻ ഫെർണാണ്ടസ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ തിരക്കഥയും സംവിധാനവും അനുപ് ഭണ്ഡാരിയാണ്. ജാക്ക് മഞ്ജുനാഥ്, ശാലിനി മഞ്ജുനാഥ് എന്നിവരാണ് സിനിമയുടെ നിർമാതാക്കൾ.
നേരത്തെ സിനിമയിലെ ‘രാ രാ രാക്കമ്മ’ എന്ന ഗാനത്തിന്റെ ലിറിക്കല്‍ വിഡിയോ പുറത്തിറങ്ങിയിരുന്നു. ജാക്വിലിന്‍ ഫെര്‍ണാണ്ടസും കിച്ച സുദീപുമാണ് ഗാന രംഗത്തിലുള്ളത്. വിവിധ ഭാഷകളിൽ ഇറങ്ങിയ ലിറിക്കൽ വീഡിയോ ഇതുവരെ മുപ്പതു മില്യണിന് മുകളിൽ ആളുകളാണ് കണ്ടത്. ഷബ്ബീര്‍ അഹമ്മദിന്റേതാണ് ഗാനത്തിന്റെ വരികള്‍. നകാശ് അസിസ്, സുനിധി ചൗഹാന്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. ബി അനീഷ് ലോക്‌നാഥ് ആണ് സംഗീത സംവിധാനം നിര്‍വഹിച്ചിരിക്കുന്നത്.
അനുപ് ഭന്ധാരി തിരക്കഥയെഴുതി സംവിധാനം ചെയ്യുന്ന ചിത്രമാണ് വിക്രാന്ത് റോണ. കിച്ച സുദീപിനേയും ജാക്വിലിന്‍ ഫെര്‍ണാണ്ടസിനേയും കൂടാതെ നിരുപ് ഭന്ധാരി, നീത അശോക് എന്നിവരും ചിത്രത്തിലുണ്ട്. വില്യം ഡേവിഡ് ആണ് ചിത്രത്തിന്റെ ഛായാഗ്രഹണം. ആശിഷ് കുസുഗൊല്ലി എഡിറ്റിംഗും നിര്‍വഹിക്കുന്നു.
