നിരഞ്ജ് മണിയൻപിള്ള നായകനാകുന്ന പുതിയ ചിത്രം ‘വിവാഹ ആവാഹനം’ ഫസ്റ്റ് ലുക്ക് പോസ്റ്റർ റിലീസ് ചെയ്തു. സാജൻ ആലുംമൂട്ടിൽ സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ മലാളത്തിന്റെ പ്രിയപ്പെട്ട താരങ്ങൾ അവരുടെ സോഷ്യൽ മീഡിയ അക്കൗണ്ട് വഴിയാണ് റിലീസ് ചെയ്തത്. ആസിഫ് അലി, ഉണ്ണി മുകുന്ദൻ, പ്രയാഗ മാർട്ടിൻ, നൈല ഉഷ, ജോണി ആന്റണി, ദിലീഷ് പോത്തൻ, മിഥുൻ രമേഷ്, സംവിധായകരായ അരുൺ ഗോപി, ജൂഡ് ആന്റണി ജോസഫ്, ടിനു പാപ്പച്ചൻ എന്നിവർ ചേർന്നാണ് ‘വിവാഹ ആവാഹനം’ ഫസ്റ്റ്ലുക്ക് പോസ്റ്റർ റിലീസ് ചെയ്തത്.
മിഥുൻ ആർ ചന്ദ്, സാജൻ ആലുംമൂട്ടിൽ എന്നിവർ ചേർന്ന് ചാന്ദ് സ്‌റ്റുഡിയോ, കാർമിക് സ്‌റ്റുഡിയോസ് എന്നിവയുടെ ബാനറിലാണ് ചിത്രം നിർമിക്കുന്നത്. സോണി സിവി, പ്രമോദ് ഗോപകുമാർ എന്നിവരാണ് ‘വിവാഹ ആവാഹനം’ സഹനിർമാതാക്കൾ. യഥാർഥ സംഭവങ്ങളെ ഉൾക്കൊള്ളിച്ച് ഒരുക്കുന്ന ചിത്രത്തിൽ പുതുമുഖതാരം നിതാരയാണ് നായികയാകുന്നത്. ഒരു സാമൂഹിക ആക്ഷേപഹാസ്യ ചിത്രമായിട്ടാണ് ചിത്രം ഒരുക്കിയിരിക്കുന്നത്. അജു വർഗീസ്, പ്രശാന്ത് അലക്‌സാണ്ടർ, സുധി കോപ്പ, സാബുമോൻ, സന്തോഷ് കീഴാറ്റൂർ, രാജീവ് പിള്ള, ബാലാജി ശർമ, ഷിൻസ് ഷാൻ, ഫ്രാങ്കോ, സ്‌മൃതി, നന്ദിനി എന്നിവരാണ് ചിത്രത്തിലെ മറ്റ് അഭിനേതാക്കൾ.
‘ഒരു മുറൈ വന്ത് പാർത്തായ’ എന്ന ചിത്രത്തിനുശേഷം സാജൻ ആലുംമൂട്ടിൽ സംവിധാനം ചെയ്യുന്ന ചിത്രമാണ് ഇത്. സംവിധായകനും സംഗീത് സേനനും ചേർന്നാണ് സംഭാഷണങ്ങൾ ഒരുക്കുന്നത്. വിഷ്‌ണു പ്രഭാകറാണ് ഛായാഗ്രഹണം. ചിത്രം ജൂൺ മാസത്തിൽ പ്രദർശനത്തിന് എത്തും. എഡിറ്റർ – അഖിൽ എആർ, സംഗീതം – രാഹുൽ ആർ ഗോവിന്ദ, പശ്‌ചാത്തല സംഗീതം – വിനു തോമസ്, ഗാനരചന – സാം മാത്യു, പ്രജീഷ്, ആർട്ട് – ഹംസ വള്ളിത്തോട്, വസ്‌ത്രാലങ്കാരം – ആര്യ ജയകുമാർ, മേക്കപ്പ് – റോണക്‌സ് സേവ്യർ, രതീഷ് കൃഷ്‌ണൻ, സൗണ്ട് ഡിസൈൻ – എംആർ രാജകൃഷ്‌ണൻ, പ്രൊഡക്ഷൻ കൺട്രോളർ – അഭിലാഷ് അർജുനൻ, ഫിനാൻസ് കൺട്രോളർ – ഫ്രാങ്കോ ഡേവിസ് മഞ്ഞില, പ്രൊജക്‌ട് ഡിസൈനർ – ജിനു വി നാഥ്, കൊറിയോഗ്രാഫി- അരുൺ നന്ദകുമാർ, ഡിസൈൻ – ശ്യാം സുന്ദർ, സ്‌റ്റിൽസ് – വിഷ്‌ണു രവി, വിഷ്‌ണു കെ വിജയൻ, പിആർഒ – പി ശിവപ്രസാദ് എന്നിവരാണ് മറ്റ് പ്രധാന അണിയറ പ്രവർത്തകർ.
