നടി, അവതാരിക, ആർജെ എന്ന നിലകളിൽ പ്രശസ്തയായ താരമാണ് നൈല ഉഷ. പൊറിഞ്ചു മറിയം ജോസ് എന്ന ചിത്രത്തിലൂടെ ഏറെ പ്രേക്ഷകപ്രീതി താരം നേടിയെടുത്തു. തന്റെ വിശേഷങ്ങൾ എല്ലാം സോഷ്യൽ മീഡിയയിലൂടെ ആരാധകരുമായി പങ്കുവയ്ക്കുവാൻ താരം എപ്പോഴും ശ്രമിക്കാറുണ്ട്. റേഡിയോ ജോക്കിയായി ദുബായിൽ 12 വർഷം ജോലി ചെയ്തതിനു ശേഷമാണ് താരം അഭിനയരംഗത്തേക്ക് എത്തിയത്. കുഞ്ഞനന്തന്റെ കട എന്ന മമ്മൂട്ടി ചിത്രത്തിലൂടെ അഭിനയരംഗത്തേക്ക് കടന്നുവന്ന നൈല ഉഷ പുണ്യാളൻ അഗർബത്തീസ്, ലൂസിഫർ എന്നിങ്ങനെ ഒരു പിടി നല്ല ചിത്രങ്ങളിലൂടെ പ്രേക്ഷകരുടെ മനസ്സ് കീഴടക്കി.
വർഷങ്ങളായി യുഎഇയില്‍ സ്ഥിരതാമസമാണ് നൈല. യുഎഇയിലെ ഏറ്റവും വലിയ മീഡിയയായ എ.ആര്‍.എൻ കമ്പനിക്ക് കീഴിലെ എഫ്എമ്മില്‍ റേഡിയോ ജോക്കിയായി ജോലി ചെയ്യുകയാണ് താരം. ഈ ഇടക്ക് താരത്തിന് ഗോൾഡൻ വിസയും ലഭിച്ചിരുന്നു.
നൈല സോഷ്യൽ മീഡിയയിൽ പങ്ക് വെച്ച ഒരു ഫോട്ടോയാണ് ഇപ്പോൾ ശ്രദ്ധ ആകർഷിക്കുന്നത്. ഫോട്ടോയേക്കാൾ താരമിട്ട ക്യാപ്ഷനാണ് ഏവരുടെയും കണ്ണിലുടക്കിയത്. ‘വാഷിംഗ് പൗഡർ നിർമ്മ’ എന്നാണ് നടി ക്യാപ്ഷൻ കൊടുത്തിരിക്കുന്നത്. ഭാരതീയർക്ക് ഏറെ ഗൃഹാതുരത്വം ഉണർത്തുന്ന നിർമ്മയുടെ പരസ്യത്തിലെ ഗാനമാണത്. അതിൽ മോഡലായി എത്തുന്ന പെൺകുട്ടിയെ ഓർമ്മിപ്പിക്കുന്നതാണ് നൈല ഉഷയുടെ വേഷം.
View this post on Instagram
വടക്കേ ഗുജറാത്തിൽ നിന്നുള്ള ഒരു കർഷകകുടുംബത്തിലെ കർസൻ ഭായ് ചെലവു കുറഞ്ഞ രീതിയിൽ എങ്ങനെ അലക്കുപൊടി ഉണ്ടാക്കാം എന്ന് നടത്തിയ ഗവേഷണത്തിൽ നിന്നുണ്ടായതാണ് നിർമ വാഷിംഗ് പൗഡർ. കർസൻ ഭായിയുടെ മകൾ നിരുപമയാണ് പരസ്യത്തിൽ മോഡലായി എത്തിയത്. വളരെ ചെറുപ്പത്തിൽ തന്നെ മരിച്ചുപോയ നിരുപമയുടെ മറ്റൊരു പേരാണ് നിർമ.
