നിരവധി കുടുംബ പ്രേക്ഷകരാണ് ബിഗ് ബോസ് മലയാളം സീസണ്‍ ഫോറിനുള്ളത്. ഇത്തവണ പങ്കെടുക്കുന്നവരില്‍ അധികവും വ്യത്യസ്തത പുലര്‍ത്തുന്ന മത്സരാര്‍ത്ഥികളാണ്. തന്റെ സെക്ഷ്വാലിറ്റി തുറന്നു പറഞ്ഞതുള്‍പ്പെടെ ഷോയില്‍ തുടക്കം മുതല്‍ ശ്രദ്ധേയനാണ് മജീഷ്യനായ അശ്വിന്‍. വിക്കെന്‍ഡ് എപ്പിസോഡ് സംപ്രേഷണം ചെയ്യാനിരിക്കെ വെള്ളിയാഴ്ച വലിയൊരു വഴക്കുണ്ടായിരുന്നു. ‘അപ്പോള്‍ കണ്ടവനെ അപ്പായെന്ന് വിളിക്കുന്നു’ എന്ന ഡോ. റോബിന്റെ പ്രയോഗമാണ് വഴക്കിന് കാരണമായത്. ഇതില്‍ ഏറ്റവും അധികം ക്ഷോഭിച്ചത് അശ്വനിനായിരുന്നു. അതിന് പിന്നില്‍ ഒരു കാരണമുണ്ട്.
പല തന്തയ്ക്ക് പിറന്നവന്‍ എന്ന പ്രയോഗം മോശമാണെന്ന് പറഞ്ഞായിരുന്നു അശ്വിന്‍ റോബിനോട് കയര്‍ത്തത്. ‘എടാ… ഡോക്ടറെ നീ പറഞ്ഞത് തെറ്റാണ്. അങ്ങനെ പറയരുത്. സഹിക്കില്ല’ എന്ന് അശ്വിന്‍ പറഞ്ഞു. ആ പ്രയോഗം തന്നെ വേദനിപ്പിക്കാനുള്ള കാരണം അശ്വിന്‍ പറയുന്നുണ്ട്. അച്ഛനും അമ്മയും ഇല്ലാത്ത കുട്ടിക്കാലമാണ് അശ്വിനെ ആ പ്രയോഗം വേദനിപ്പിക്കാന്‍ കാരണമായത്.
സ്‌കൂള്‍ പിടിഎ മീറ്റിങിന് എല്ലാവരുടേയും അച്ഛനും അമ്മയും വരുമ്പോള്‍ തന്റെ മാത്രം ആരും വരാതിരിക്കുമ്പോള്‍ പലരും ഈ പ്രയോഗം പറഞ്ഞിട്ടുണ്ടെന്നാണ് അശ്വിന്‍ പറയുന്നത്. വീണ്ടും വര്‍ഷങ്ങള്‍ക്കിപ്പുറം ആ വാക്ക് കേട്ടപ്പോള്‍ അശ്വിന്റെ നിയന്ത്രണം വിട്ടുപോവുകയായിരുന്നു. റോണ്‍സണും ജാസ്മിനും അശ്വിനെ തടഞ്ഞതോടെയാണ് വലിയൊരു വഴക്കിന് ഫുള്‍സ്റ്റോപ്പ് വീണത്.
