അമിത് ചക്കാലക്കല്‍ നായകനാകുന്ന ‘യുവ’ത്തിന്റെ ഒഫീഷ്യല്‍ ട്രെയിലര്‍ പുറത്ത് വിട്ടു. നടന്മാരായ നിവിന്‍ പോളി, റഹ്മാന്‍, ജയസൂര്യ എന്നിവര്‍ ചേര്‍ന്നാണ് ട്രെയിലര്‍ പുറത്തിറക്കിയത്. ചിത്രത്തിനും അണിയറ പ്രവര്‍ത്തകര്‍ക്കും ആശംസകള്‍ നേര്‍ന്ന് കൊണ്ടാണ് താരങ്ങള്‍ ട്രെയിലര്‍ പുറത്തിറക്കിയത്. വണ്‍സ് അപ്പോണ്‍ എ ടൈം പ്രൊഡക്ഷന്‍സിന്റെ ബാനറില്‍ ജോണി മക്കോറ നിര്‍മിക്കുന്ന യുവം സംവിധാനം ചെയ്യുന്നത് പിങ്കു പീറ്ററാണ്.
ഫെബ്രുവരി 12 നാണ് ചിത്രം പ്രേക്ഷകരിലേക്കെത്തുക. കേരളത്തിലെ തീയേറ്ററുകള്‍ക്ക് പ്രദര്‍ശനാനുമതി ലഭിച്ച ശേഷം പുറത്തു വരുന്ന ആദ്യ ചിത്രങ്ങളുടെ നിരയില്‍ മുന്‍പന്തിയിലാണ് യുവം. ലോക്ക് ഡൌണ്‍ സമയത്ത് പുറത്തിറങ്ങിയ ചിത്രത്തിന്റെ ടീസറും, അടുത്തിടെ പുറത്ത് വന്ന സൗഹൃദം എന്ന ഗാനവും ഏറെ പ്രേക്ഷക ശ്രദ്ധ നേടിയിരുന്നു.
