റോഷൻ ആൻഡ്രൂസ് ഒരുക്കുന്ന ബ്രഹ്മാണ്ഡ നിവിൻ പോളി ചിത്രമാണ് ‘കായംകുളം കൊച്ചുണ്ണി’ .ശ്രീ ഗോകുലം ഫിലിംസിന്റെ ബാനറില് ഗോകുലം ഗോപാലനാണ് ചിത്രം നിര്മ്മിക്കുന്നത്. ബോബി-സഞ്ജയ് ടീമാണ് കായംകുളം കൊച്ചുണ്ണിയുടെ തിരക്കഥ ഒരുക്കിയിരിക്കുന്നത്. ചിത്രത്തില് ഇത്തിക്കരപക്കിയായി മോഹന്ലാല് എത്തുന്നു എന്ന പ്രത്യേകതയും കൂടിയുണ്ട്.
ചിത്രത്തിന്റെ ആധ്യ പ്രിവ്യൂ ഷോ ഇന്നലെ നടന്നു.ചിത്രത്തിന് മികച്ച പ്രതികരണമാണ് ലഭിക്കുന്നത്.
ഇന്നലെ മുംബൈയില് നടന്ന ഇന്ഡസ്ട്രി/കാസ്റ്റ് ആന്ഡ് ക്രൂ സ്ക്രീനിങ്ങില് പങ്കെടുത്ത സിനിമാ പ്രവര്ത്തകര് പങ്കുവച്ചതാണീ വിവരം. ചിത്രത്തിന് കിട്ടുന്ന ഹൈപ്പ്, കഥയുടെ വലിയ കാന്വാസ് ഉയര്ത്തുന്ന വെല്ലുവിളികള് എന്നിവയെ തരണം ചെയ്യാന് എളുപ്പമല്ല, പക്ഷേ റോഷന് ആന്ഡ്രൂസ് ഒട്ടും നിരാശപ്പെടുത്തുന്നില്ല എന്നും അതിഥി വേഷത്തില് ഇത്തിക്കരപ്പക്കിയായി എത്തുന്ന മോഹന്ലാല് ഗംഭീര സാന്നിദ്ധ്യമായി എന്നും സിനിമ കണ്ടവര് പറയുന്നു.
നായക വേഷം നിവിന് പോളി ഗംഭീരമാക്കി എന്നും അവര് കൂട്ടിച്ചേര്ക്കുന്നു.
ബാബു ആന്റണി, സണ്ണി വെയ്ന് എന്നിവരുടെ പ്രകടനവും എടുത്തു പറയത്തക്കതാണ് എന്നും ആദ്യ പ്രതികരണങ്ങള് വ്യക്തമാക്കുന്നു.