കേരളത്തിന്റെ നവോത്ഥാന ആധുനികതയുടെ വെളിച്ചങ്ങളിലൊന്നായ ‘അയ്യങ്കാളി’യുടെ ജീവിതം സിനിമയാക്കാൻ ഒരുങ്ങുന്നെന്ന് സംവിധായകന്‍ ആഷിഖ് അബു. ശ്യാം പുഷ്‌കരനും സാംകുട്ടി പട്ടംകരിയും ചിത്രത്തിന്റെ തിരക്കഥാ രചനയിലാണെന്നും ആഷിഖ് അബു പറയുന്നു.ഇന്ത്യന്‍ എക്‌സ്പ്രസുമായുള്ള അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്.അയ്യങ്കാളി കേരളത്തിലെ പിന്നോക്ക വിഭാഗങ്ങളുടെ ഉന്നമനത്തിനു വേണ്ടി പ്രവര്‍ത്തിച്ച സാമൂഹിക പരിഷ്‌കര്‍ത്താക്കളില്‍ ഒരാളായിരുന്നു.
വൈറസാണ് ആഷിഖ് അബുവിന്റെ ഏറ്റവും പുതിയ ചിത്രം.കേരളത്തെ ഭയത്തിന്റെ മുള്‍മുനയില്‍ നിര്‍ത്തിയ നിപ്പയെക്കുറിച്ചാണ് ചിത്രം പറഞ്ഞു വക്കുന്നത്.കുഞ്ചാക്കോ ബോബന്‍, ഫഹദ് ഫാസില്‍, രേവതി, ഇന്ദ്രജിത്ത്, ടൊവിനോ തോമസ്, റിമ കല്ലിങ്കല്‍, ആസിഫ് അലി, പാര്‍വതി, രമ്യ നമ്പീശന്‍, സൗബിന്‍ ഷാഹിര്‍, ദിലീഷ് പോത്തന്‍, ചെമ്പന്‍ വിനോദ് തുടങ്ങി വന്‍താരനിരയാണ് ചിത്രത്തിൽ ഉള്ളത്.
