നിരവധി വേഷങ്ങളിലൂടെ ജനശ്രദ്ധ നേടിയ താരമാണ് കുളപുള്ളി ലീല. കുളപ്പുള്ളി ലീല ഇനിമുതല്‍ വണ്ടര്‍ ലീലയാണ്. ഈ വണ്ടര്‍ ലീല ഇപ്പോള്‍ സോഷ്യല്‍ മീഡിയയില്‍ വൈറലാണ്. സിനിമാ താരങ്ങളെയും സിനിമാ രംഗങ്ങളെയും കോര്‍ത്തിണക്കി വീഡിയോകളും ഫോട്ടോകളും ട്രോളര്‍മാരുടെ ഇഷ്ട വിനോദമാണ്. അത്തരത്തിലൊരു വീഡിയ ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്.
കുളപ്പുള്ളി ലീലയെ ട്രോളര്‍മാര്‍ വണ്ടര്‍ വുമണാക്കി മാറ്റിയിരിക്കുകയാണ്. ലീലയെ ഹോളിവുഡ് ചിത്രം വണ്ടര്‍ വുമണുമായി അവതരിപ്പിക്കുകയാണ്. ലീല വേഷമിട്ട പുലിവാല്‍ കല്യാണം മുതലുള്ള ചിത്രങ്ങളെ രംഗങ്ങളും വണ്ടര്‍ വുമണിലെ ട്രെയിലറും ചേര്‍ത്തൊരുക്കിയിരിക്കുന്ന വീഡിയ കണ്ടാല്‍ ആരും ചിരിച്ചു പോകും.
വണ്ടര്‍ വുമണിലെ ട്രെയിലറും ലീല വേഷമിട്ട സിനിമയിലെ ഡയലോഗുകളും തമ്മില്‍ സാമ്യത തോന്നിപ്പിക്കും തരത്തിലാണ് വീഡിയോ എഡിറ്റ് ചെയ്തിരിക്കുന്നത്. ബൊളീവിയ മീഡിയയാണ് ഈ വീഡിയോയ്ക്ക് പിന്നില്‍. ബൊളീവിയ മീഡിയ എന്ന ഫെയ്‌സ്ബുക്ക് പേജിലൂടെയാണ് വീഡിയോ പുറത്തുവിട്ടിരിക്കുന്നത്.
