അഭിനയം, നൃത്തം, അവതാരക, ഫാഷൻ ഡിസൈനിങ്.. കൈവച്ച മേഖലകളിലെല്ലാം തന്റേതായ വ്യക്തിമുദ്ര പതിപ്പിക്കാൻ പൂർണിമ ഇന്ദ്രജിത്തിന് കഴിഞ്ഞിട്ടുണ്ട്. ഭർത്താവ് ഇന്ദ്രജിത്തിന്റെയും കുടുംബത്തിന്റെയും പിന്തുണയാണ് തന്റെ ഇൗവിജയങ്ങൾക്ക് കാരണമെന്ന് പൂർണിമ പലപ്പോഴും പറഞ്ഞിട്ടുണ്ട്.
അമ്മയെ (മല്ലിക സുകുമാരൻ) കൂട്ടിക്കൊണ്ടുപോകാൻ സീരിയൽ ലൊക്കേഷനിലെത്തിയ ഒരു പയ്യൻ തന്നെ ശ്രദ്ധിച്ചതും അവസാനം അയാൾ ജീവിതത്തിലേക്ക് ക്ഷണിച്ചതുമായ കഥപറയുകയാണ് പൂർണിമ. മാതൃഭൂമി കപ്പ ടി.വിയുടെ ഹാപ്പിനെസ് പ്രൊജക്ടിലാണ് പൂർണിമ തന്റെ പ്രണയകഥ പറയുന്നത്.
ഈ കഥ അമ്മയുടെ കാഴ്ചപ്പാടിൽ കേൾക്കണം. വലിയ കോമഡിയാണ്. പെയ്തൊഴിയാതെ എന്ന സീരിയലിന്റെ ലൊക്കേഷനിലാണ് സംഭവം. ഇന്ദ്രന്റെ അമ്മയുടെ ഒപ്പം ഞാൻ ആദ്യം അഭിനയിക്കുന്നത് ആ സീരിയലിലാണ്. ഒരു ദിവസം ഷൂട്ടിങ് കഴിഞ്ഞ് സ്റ്റെയർഇറങ്ങി വരുമ്പോൾ ഒരു പയ്യൻ അവിടെ നിൽക്കുന്നു. അയാൾ എന്നെ നോക്കുന്നുണ്ടായിരുന്നു. എനിക്ക് പെട്ടന്ന് തന്നെ മനസ്സിലായി അത്മല്ലിക സുകുമാരന്റെ മകനാണെന്ന്. അമ്മ എനിക്ക് ഇന്ദ്രനെ പരിചയപ്പെടുത്തിത്തന്നു. അന്ന് ഞങ്ങൾ അധികം സംസാരിച്ചില്ല. പക്ഷേ അതിനുശേഷം പിന്നെ ഒരുപാട് സംസാരിക്കാൻ തുടങ്ങി. ഇപ്പോഴും ആ നിമിഷങ്ങൾ എന്റെ മനസ്സിലുണ്ട്. ആ സ്റൈയറിൽ വച്ച് കണ്ട പയ്യനെ ഞാൻ ഇപ്പോഴും ഓർക്കുന്നുണ്ട്. അത് ഞങ്ങളുടെ ബന്ധത്തിന്റെ തുടക്കമായിരുന്നോ എന്നൊന്നും എനിക്ക് അറിയില്ല.-പൂർണിമ പറഞ്ഞു.
ഫാഷൻ ഡിസൈനിങ്ങുംചാനൽ തിരക്കുകളുമായി നടക്കുമ്പോൾ ദിവസത്തിൽ ഒരു മണിക്കൂറെങ്കിലും കുട്ടികളുമായി മനസ്സ് തുറന്ന് സംസാരിക്കാൻ സമയം കണ്ടെത്തുമെന്ന് പൂർണിമ പറയുന്നു. അതാണ് എനിക്ക് ഓടി നടക്കാനുള്ള ഊർജം നൽകുന്നത്. കുട്ടികൾ വലുതാകുമ്പോൾ അവർ നമ്മുടെ സമയം കൂടുതൽ ഡിമാൻഡ്ചെയ്യും. അത് അവർക്കൊപ്പം ചെലവഴിക്കേണ്ടത് മാതാപിതാക്കൾ എന്ന നിലയിൽ ഞങ്ങളുടെ ഉത്തരവാദിത്തമാണ്.-പൂർണിമ പറഞ്ഞു
