പ്രേക്ഷകർ ഇരുകയ്യും നീട്ടി സ്വീകരിച്ച ദിലീപ് ചിത്രം ആയിരുന്നു രാമലീല. ടോമിച്ചൻ മുളകുപ്പാടം നിർമിച്ച ചിത്രം സംവിധാനം ചെയ്തത് അരുൺ ഗോപിയാണ്.
ചിത്രത്തിന്റെ 111ആം ദിന വിജയാഘോഷ ചടങ്ങുകൾ ഇന്ന് എറണാകുളം ഗോകുലം പാർക്കിൽ നടന്നു.ചടങ്ങിൽ വെച്ച് ദിലീപ് മനസ്സ് തുറന്നു. ജീവിതത്തിൽ എന്നും ഓർത്തിരിക്കുന്ന കുറച്ചു സിനിമകൾ ഉണ്ട് എന്റെ കരിയറിൽ.ആ കൂട്ടത്തിലെ ഏറ്റവും കൂടുതൽ ഇഷ്ടമുള്ള സിനിമയാണ് രാമലീല.ഒരുപാട് കഷ്ടതകൾ സഹിച്ചാണ് ടോമിച്ചൻ ഈ സിനിമ ചെയ്തത്.അറിഞ്ഞോ അറിയാതെയോ ഈ സിനിമയിലെ പല രംഗങ്ങളും എന്റെയും ജീവിതത്തിന്റെ ഭാഗമായി.
പ്രസംഗത്തിനിടെ മാധ്യമങ്ങളെ ഒരിക്കൽ കൂടി ദിലീപ് ട്രോളി.ടോമിച്ചന് ബംഗാളിലൊക്കെ നല്ല പിടിയാണല്ലേ .. വെറുതെയല്ല രാമലീല കാണുവാൻ ബംഗാളിൽ നിന്ന് ആളുകളെ ഇറക്കിയത് എന്ന് ദിലീപ് പരിഹാസ രൂപേണ പറഞ്ഞു. രാമലീല കാണുവാൻ വലിയ തിരക്ക് അനുഭവപ്പെട്ടപ്പോൾ ബംഗാളികളെ ടോമിച്ചൻ പൈസ കൊടുത്ത് കയറ്റുന്നതാണ് എന്നാണ് അന്ന് ഉയർന്ന വാദം. ഇതിനെതിരെ ആയിരുന്നു ദിലീപിന്റെ കൊട്ട്. ഈ ചിത്രം റിലീസ് ചെയ്യുവാൻ ഇവർ തീരുമാനിച്ചു എന്ന് കേട്ടപ്പോൾ എനിക്ക് നല്ല പേടി ഉണ്ടായിരുന്നു.എന്നാൽ ആ പേടി എല്ലാം പിന്നീട് മാറി. ഞാൻ കടപെട്ടിരിക്കുന്നത് നിങ്ങൾ ഓരോ പ്രേക്ഷകരോടും മാത്രമാണ് ,എന്നെ ഞാനാക്കിയത് നിങ്ങൾ ഓരോരുതരുമാണ്.എല്ലാവർക്കും നന്ദി ,ദിലീപ് പറഞ്ഞു.
