ബോളിവുഡിലെ സൂപ്പര്‍ഹിറ്റ് സിനിമകളിലൂടെ പ്രേക്ഷകരുടെ ശ്രദ്ധയാകര്‍ഷിച്ച നായിക സൊനാക്ഷി സിന്‍ഹ അണിയറയിലെ നായകന്‍മാരുടെ അസഹനീയമായ പെരുമാറ്റത്തെ കുറിച്ച്‌ തുറന്ന് പറഞ്ഞ് രംഗത്തെത്തിയിരിക്കുകയാണ്. സിനിമാ ചിത്രീകരണത്തിനിടെ നായകന്മാരില്‍ നിന്നു നേരിടേണ്ടി വരുന്ന ബുദ്ധിമുട്ടുകള്‍ അക്കമിട്ട് നിരത്തുകയാണ് ഈ ബോളിവുഡ് സുന്ദരി. ഫൈവ്സ്റ്റാര്‍ ഹോട്ടലില്‍ താമസിച്ച്‌ രാവിലെ കുളിച്ചു നല്ല വസ്ത്രങ്ങളും ധരിച്ച്‌, വൃത്തിയോടെ നായിക സെറ്റില്‍ എത്തുമ്ബോള്‍ നായകന്‍ സെറ്റില്‍ എത്തുന്നത് ചിലപ്പോള്‍ തലേന്നു കഴിച്ച മദ്യത്തിന്റെ കെട്ടുവിടാതെയായിരിക്കും.
ഇതോടെ സൂപ്പര്‍താര ചിത്രങ്ങളില്‍ അഭിനയിക്കില്ല എന്ന തീരുമാനത്തില്‍ എത്തിയിരിക്കുകയാണു താനെന്ന് സൊനാക്ഷി വെളിപ്പെടുത്തുന്നു.
ചില നായകന്മാര് പല്ലു പോലും തേയ്ക്കാതെ ഉച്ചയോടെയായിരിക്കും സെറ്റില്‍ എത്തുന്നത്. സംവിധായകനോ നിര്‍മ്മാതാവോ ഇതിനെ എതിര്‍ത്ത് ഒരു വാക്കു പോലും പറയില്ല.
ചിലപ്പോള്‍ ഇഴുകി ചേര്‍ന്ന് അഭിനയിക്കേണ്ട സീനുകള്‍ ഉണ്ടാകും. അത് പലപ്പോഴും നായകന്മാര് മുതലെടുക്കും എന്നും സൊനാക്ഷി പറയുന്നു. മാറിടങ്ങള്‍ അയാളുടെ ശരീരത്തില്‍ അമര്‍ത്തി ഞെരിക്കും. അപ്പോള്‍ ഓര്‍ജിനാലിറ്റി കിട്ടിയ സന്തോഷമായിരിക്കും സംവിധായകന്. ആ സമയങ്ങളില്‍ എല്ലാം നായിക വീര്‍പ്പു മുട്ടിലിലായിരിക്കും. മദ്യത്തിന്റെയും വിയര്‍പ്പിന്റെയും നാറ്റം അടിക്കുമ്ബോള്‍ ഓക്കാനം വരും. ചിലര്‍ ചെറിയ ചുംബനമൊക്കെ ബലാത്സംഗ രീതിയിലാണ് ചിത്രീകരിക്കുന്നത്.
അതുകൊണ്ടു തന്നെ ഇഴുകി ചേര്‍ന്നുള്ള അഭിനയം നിര്‍ത്തുകയാണ് എന്ന് സൊനാക്ഷി പറയുന്നു.
