പ്രധാനമന്ത്രി നരേന്ദ്രമോഡിയുടെ ജീവിതകഥയെ ആസ്പദമാക്കിയുള്ള ചിത്രമാണ് പി എം നരേന്ദ്രമോഡി. വിവേക് ഒബ്റോയ് ആണ് ചിത്രത്തിൽ പ്രധാന വേഷത്തിലെത്തുന്നത്. ചിത്രത്തിന്റെ പ്രമോഷനുമായി ബന്ധപ്പെട്ട് അബുദാബിയിൽ എത്തിയ വിവേക് ഒബ്റോയ് വിശാലമനസ്കത ഉള്ള മലയാളികൾ ലൂസിഫർ എന്ന ചിത്രത്തെ സ്വീകരിച്ചതുപോലെതന്നെ നരേന്ദ്രമോദി എന്ന ചിത്രത്തെ സ്വീകരിക്കും എന്ന് കരുതുന്നു എന്ന് പറയുകയുണ്ടായി.ഒമുങ് കുമാറാണ് ചിത്രം സംവിധാനം ചെയ്യുന്നത്. ചിത്രം കൊച്ചിയിൽ ഹൗസ് ഫുൾ ആയി പ്രദർശനം തുടരുകയാണ്.
അതിൽ സന്തോഷമുണ്ടെന്നും ആശയങ്ങളും തത്വങ്ങളും മാറ്റിവെച്ച് മോദി എന്ന വ്യക്തിയെ മനസ്സിലാക്കാൻ സാധിക്കുന്ന ഒരു ചിത്രം എന്ന രീതിയിൽ ഇതിനെ കാണണം എന്നും മലയാളികൾക്ക് അത് സാധിക്കുമെന്നും വിവേക് ഒബ്റോയി പറയുന്നു. ലൂസിഫറിനെയും അതിലെ ബോബി എന്ന കഥാപാത്രത്തെയും ഏറെ ഇഷ്ടപ്പെട്ട മലയാളികൾ ഈ ചിത്രത്തെ സ്വീകരിക്കും എന്ന ഉറപ്പ് തനിക്കുണ്ടെന്നും അദ്ദേഹം കൂട്ടിച്ചേർത്തു. ചിത്രത്തിൽ അഭിനയിച്ചത് കൊണ്ട് തനിക്കുണ്ടായ നേട്ടങ്ങളെക്കുറിച്ചും വിവേക് തുറന്നുപറഞ്ഞു.
