മലയാളത്തിലെ സ്ലാപ്സ്റ്റിക്ക് കോമഡി ഗണത്തിലെ മുൻനിരയിലുള്ള ഒരു ചിത്രമാണ് ദിലീപും പ്രിയദർശനും ഒന്നിച്ച വെട്ടം. പൊട്ടിച്ചിരിക്കാൻ ഏറെയുണ്ടായിട്ടും ശരാശരി വിജയമാണ് ചിത്രം നേടിയത്. വെട്ടം പതിനാറ് വർഷങ്ങൾ പിന്നിടുമ്പോൾ മോനു വി സുദർശൻ എന്ന വ്യക്തിയുടെ കുറിപ്പ് ഇപ്പോൾ ശ്രദ്ധേയമാകുകയാണ്.
മകളായ മാലയെ അന്വേഷിച് കൊച്ചിൻ ഹനീഫയും ഗാങ്ങും, അവരിൽ നിന്ന് രക്ഷെപ്പട്ടു അങ്ങോട്ടേക്ക് തന്നെ ചെന്ന് കേറുന്ന മണിയും മാലയും ദിലീപും, ഭൂലോക ഉടായിപ്പ് ഇന്നസെന്റിനെ തേടി നെടുമുടി വേണുവും സംഘവും, പുള്ളിയുടെ ഭാര്യയായ ബിന്ദു പണിക്കരുടെ ഒപ്പം ഒളിച്ചോടുന്ന നവാസ്‌, കല്യാണത്തിന് വന്ന വേറെ കൊറേയെണ്ണവും കൊട്ടെഷൻ ഗുണ്ടയും ഹോട്ടൽ വെയ്‌റ്ററും ഉൾപ്പടെ എല്ലാരും ഒടുക്കം ചെന്നെത്തുന്നത് ഒരേ ഇടത്ത്… അവിടെ തുടക്കമിടുന്നത് ചിരിയുടെ വെടിക്കെട്ടിനും.. അടി ഇടി വെടി പൊക തുടങ്ങി ഷോക്ക് അടിക്കൽ വരെ നോണ്സ്റ്റോപ് കൊണ്ടാട്ടം…ഡയറക്റ്റ് ചെയ്തതാകട്ടെ കൺഫ്യൂഷൻ കൊമഡിയുടെ തമ്പുരാനും.. Extreme level of പൂണ്ടുവിളയാട്ടം….
വെട്ടം എന്തുകൊണ്ട് ഒരു ആവറേജ് വിജയത്തിൽ ഒതുങ്ങി എന്നത് ഇപ്പോഴും അത്ഭുതപ്പെടുത്തുന്ന കാര്യമാണ്..രണ്ടായിരത്തിന് ശേഷം ഉണ്ടായ ഏറ്റവും മികച്ച സ്ലാപ്സ്റ്റിക് കോമഡിയുടെ കൂട്ടത്തിലേക്ക് ധൈര്യായി ചേർത്തുവയ്ക്കാവുന്ന ക്വാളിറ്റി എന്റെർറ്റൈനെർ.. സിഐടി മൂസ പൂർണമായും കോമടിയിൽ ബേസ് ചെയ്തു കഥ പറഞ്ഞപ്പോൾ ഇവിടെ സെന്റിമെൻറ്സിന്റെയും ഇമോഷണൽ ബോണ്ടിങ്ങിന്റെയും ശക്തമായ സാനിധ്യം കാണാം.. ഗോപിയുടെയും തീപെട്ടികൊള്ളിയുടെയും സൗഹൃദവും പ്രണയവും ഒക്കെ അതിസുന്ദരമായി ഫീൽ ചെയ്യിക്കുന്നുണ്ട് ചിത്രം.. ആവർത്തന കാഴ്ചകളിലും ഒട്ടും വിരസത സമ്മാനിക്കാത്ത അസാധ്യപടം.. ഒരുപക്ഷെ മോഹൻലാലിന് ശേഷം പ്രിയദർശനുമായി സ്ലാപ്സ്റ്റിക് കോമഡി ഇത്രയും വർക്ഔട് ആയ കോംബോ ആയിരിക്കും ദിലീപ്.. ബെർണി ഇഗ്നേഷ്യസിന്റെ അത്രമേൽ പ്രിയപ്പെട്ട ഗാനങ്ങളും, ഭാവ്‌ന പനി എന്ന നായികയും..
വെട്ടത്തിന്റെ പതിനാറു വർഷങ്ങൾ.. ഇതിന്റെ കഥ ഒരാളോട് പറഞ്ഞു കൊടുക്കാൻ ശ്രമിച്ചാൽ ചിലപ്പോ മെന്റൽ ആയി പോവാൻ നല്ല സാധ്യത ഉണ്ട്.. 😁 ലോജിക് എടുത്ത് മടക്കി വച് ചിരിച് മറിയാൻ ഉള്ള പടം… തിയേറ്ററിൽ കണ്ടവരുടെ അവസ്ഥ..😄
