മലയാള സിനിമയ്ക്ക് ഒരുപാട് മികച്ച നായികമാരെ നൽകിയ സംവിധായകനായ ലാൽ ജോസ് രസികൻ എന്ന ചിത്രത്തിലൂടെ മലയാളികൾക്ക് പരിചയപ്പെടുത്തിയ നടിയാണ് സംവൃത സുനിൽ. മുല്ലമൊട്ട് പോലുള്ള പല്ലും നീണ്ട മുടിയും നിഷ്കളങ്കമായ ചിരിയുമുള്ള സംവൃത പിന്നീട് മലയാള സിനിമയിലെ ഭൂരിഭാഗം യുവതാരങ്ങളുടേയും മുതിർന്ന താരങ്ങളുടേയും നായികയായി തിളങ്ങി. വിവാഹത്തിനുശേഷം അഭിനയരംഗത്തുനിന്നും വിട്ടുനിന്ന സംവൃതയുടെ തിരിച്ചുവരവാണ് ബിജുമേനോൻ നായകനായെത്തിയ സത്യം പറഞ്ഞാൽ വിശ്വസിക്കുമോ എന്ന ചിത്രം.
അടുത്തിടെ നടന്ന അഭിമുഖത്തിൽ സിനിമയിൽ തനിക്ക് ചെയ്യുവാൻ ഒട്ടും താല്പര്യം ഇല്ലാത്ത കാര്യം എന്താണെന്ന് സംവൃതയോട് ചോദിച്ചപ്പോൾ ഐറ്റം സോങ്ങിലോ വള്‍ഗറായിട്ടുള്ള ഡ്രെസ്സിലോ അഭിനയിക്കുവാന്‍ താല്പര്യമില്ല എന്നായിരുന്നു താരത്തിന്റെ മറുപടി. റെഡ് കാര്‍പ്പറ്റ് ഇന്റര്‍വ്യൂയില്‍ പൃഥ്വിരാജുമൊത്തു പ്രണയത്തിലായിരുന്നു എന്ന വാര്‍ത്ത താരം നിഷേധിച്ചിരിക്കുകയാണ്. മലയാള സിനിമയിലെ ഏറ്റവും നല്ല സുഹൃത്തുക്കളിൽ ഒരാളാണ് പൃഥ്വിരാജെന്നും താരം തുറന്നുപറഞ്ഞു.
