ലോക്സഭാ തിരഞ്ഞെടുപ്പിൽ ഇടതുപക്ഷത്തിന്റെ പരാജയം തന്നെ ഞെട്ടിച്ചെന്ന് തുറന്നുപറയുകയാണ് വിനായകൻ. കേരളത്തിൽ ആർഎസ്എസിന്റെ അജണ്ട നടക്കില്ലെന്നും അദ്ദേഹം കൂട്ടിച്ചേർത്തു. മീഡിയ വൺ ചാനലിന് നൽകിയ അഭിമുഖത്തിലാണ് അദ്ദേഹം തന്റെ നിലപാട് വ്യക്തമാക്കിയത്. ബിജെപി രാഷ്ട്രീയം കേരളജനത തള്ളിക്കളഞ്ഞതിൽ സന്തോഷമുണ്ടെന്നും അദ്ദേഹം അറിയിച്ചു.തനിക്ക് വ്യക്തമായ രാഷ്ട്രീയ നിലപാടുകളുണ്ടെങ്കിലും അതൊരു തൊഴിൽ ആക്കാൻ താൽപര്യമില്ലെന്നും വിനായകൻ തുറന്നുപറഞ്ഞു.
“ഞാന്‍ ഇടതുപക്ഷ സഹയാത്രികനാണ്. എന്താണ് സംഭവിച്ചതെന്ന് ജനങ്ങള്‍ ചിന്തിക്കേണ്ടിയിരിക്കുന്നു. ആര്‍എസ്‌എസ്സിന്റെ അജണ്ട കേരളത്തില്‍ നടക്കില്ലെന്നും വിനായകന്‍ പറഞ്ഞു.മറ്റുള്ള സ്ഥലങ്ങളില്‍ നമുക്ക് പറയാന്‍ പറ്റില്ല.പല കാരണങ്ങളുണ്ട്. കേരളത്തില്‍ എന്താണ് സംഭവിച്ചതെന്ന് കേരളത്തിലെ ജനങ്ങള്‍ ചിന്തിക്കുന്നത് വളരെ നല്ലതാണ്. അല്ലെങ്കില്‍ രണ്ടുപേരും ഒന്നായി മാറും- വിനായകന്‍ പറഞ്ഞു.
ഷാനവാസ് കെ ബാബു കുട്ടി സംവിധാനം ചെയ്യുന്ന കുട്ടപ്പനാണ് വിനായകന്റെ ഏറ്റവും പുതിയ ചിത്രം. ഈദ് റിലീസായി ചിത്രം തിയേറ്ററുകളിലെത്തും.
