ഇന്ദ്രജിത്ത് നായകനായി എത്തുന്ന ഏറ്റവും പുതിയ ചിത്രമാണ് ‘പാപം ചെയ്യാത്തവർ കല്ലെറിയട്ടെ’. മെയ് 24ന് ചിത്രത്തിന്റെ ഷൂട്ടിംഗ് ആരംഭിക്കും. ചിത്രത്തിന്റെ കൂടുതൽ വിവരങ്ങൾ ഇപ്പോൾ പുറത്തുവന്നിരിക്കുകയാണ്. മുഴുനീള കോമഡി എന്റർടെയ്‌നർ ആയി ഒരുക്കുന്ന ചിത്രം ഒരു ആക്ഷേപ ചിത്രം കൂടിയാണ്.ചിത്രത്തില്‍ ശ്രിന്ദയും അനു മോളുമാണ് ഇന്ദ്രജിത്തിന്റെ നായികമാരായി എത്തുന്നത്.വെടി വഴിപാട് എന്ന ചിത്രത്തിലൂടെ തന്റെ കഴിവ് തെളിയിച്ച ശംഭു പുരുഷോത്തമനാണ് ചിത്രം സംവിധാനം ചെയ്യുന്നത്.വെടി വഴിപാടിലും ഇന്ദ്രജിത്തും അനുമോളും പ്രധാന വേഷങ്ങൾ അവതരിപ്പിച്ചിരുന്നു.
ഇവരെ കൂടാതെ അലൻസിയറും സൈജു കുറുപ്പും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.സ്‌പെയര്‍ പ്രൊഡക്ഷന്‍സിന്റെ ബാനറില്‍ സഞ്ജു എസ് ഉണ്ണിത്താന്‍ ആണ് ചിത്രം നിർമ്മിക്കുന്നത്.ജോമോന്‍ തോമസാണ് ചയാഗ്രഹണം.പൃഥ്വിരാജ് സംവിധാനം ചെയ്ത മോഹന്‍ലാല്‍ ചിത്രം ലൂസിഫറിലെ ഗോവര്‍ധന്‍ എന്ന കഥാപാത്രത്തിന് ശേഷം ഇന്ദ്രജിത്ത് ശക്തമായ ഒരു കഥാപാത്രത്തെ അവതരിപ്പിക്കുന്ന ചിത്രമായിരിക്കുമിത്. താക്കോല്‍, വൈറസ്, തുറമുഖം, ഇതിഹാസ 2 എന്നിങ്ങനെ നിരവധി ചിത്രങ്ങളാണ് ഇന്ദ്രജിത്തിന് ഈ വർഷം ഉള്ളത്.
