പൃഥ്വിരാജ് സുകുമാരൻ ആദ്യമായി സംവിധാനം ചെയ്ത മോഹൻലാൽ ചിത്രം ലൂസിഫർ റെക്കോർഡുകൾ ഭേദിച്ച് മുന്നേറുകയാണ്.മലയാള സിനിമയിലെ ബോക്സ് ഓഫീസ്- തിയേറ്റർ റൺ റെക്കോർഡുകളിൽ ഏകദേശം മുഴുവൻ റെക്കോർഡുകളും തന്റെ കൈപ്പിടിയിൽ ആക്കിയ ആളാണ് മോഹൻലാൽ.കേരളത്തിൽനിന്ന് ആയാലും ഇന്ത്യയിൽനിന്ന് ആയാലും ഇന്ത്യക്ക് വെളിയിൽ നിന്നായാലും ആരേയും അമ്പരപ്പിക്കുന്ന കളക്ഷനാണ് ചിത്രത്തെ തേടിയെത്തിയിരിക്കുന്നത്.
ഇതിനിടയിൽ ലൂസിഫർ രണ്ടാം ഭാഗം ഉണ്ടാകുമോ എന്ന് വ്യക്തമാക്കിയിരിക്കുകയാണ് പൃഥ്വിരാജ് സുകുമാരൻ. ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലാണ് പൃഥ്വിരാജ് മനസു തുറന്നത്. ഞാൻ ലൂസിഫർ രണ്ടാം ഭാഗം ഒരുക്കണമോയെന്ന് ഇതുവരെ തീരുമാനിച്ചിട്ടില്ല .ലൂസിഫറിന് വേണ്ടി ഞാൻ എന്റെ എട്ടുമാസം മാറ്റിവെച്ചു. എങ്കിൽ ലൂസിഫറിന്റെ രണ്ടാം ഭാഗത്തിന് വേണ്ടി ഞാൻ അതിലും കൂടുതൽ സമയം മാറ്റി വയ്ക്കേണ്ടി വരും. അതിനാൽ ഇപ്പോൾ ഇത് സംഭവിക്കുമോ എന്ന തീരുമാനമെടുക്കാൻ എനിക്ക് സാധിച്ചിട്ടില്ല ,പൃഥ്വിരാജ് പറഞ്ഞു.എങ്കിലും മുരളി ഗോപി ഒരിക്കലും ഈ കഥ ഒരു സിനിമയിൽ തീർക്കാൻ പാകത്തിനല്ല എഴുതിയിട്ടുള്ളത് എന്ന് എനിക്ക് ഉറപ്പു പറയാൻ സാധിക്കും. ഉള്ളത് പറഞ്ഞാൽ 11 എപ്പിസോഡ് ഉള്ള ഒരു സീരിയസ് ആയിട്ട് ഒരുക്കുവാൻ വരെ ഞാൻ പദ്ധതിയിട്ടിരുന്നു,പൃഥ്വിരാജ് പറഞ്ഞു
