1983 എന്ന നിവിൻ പോളി ചിത്രത്തിലൂടെ സംവിധായകനായി അരങ്ങേറ്റം കുറിച്ച വ്യക്തിയാണ് എബ്രിഡ് ഷൈൻ. പിന്നീട് അദ്ദേഹമൊരുക്കിയ പൂമരം, കുങ്ഫു മാസ്റ്റർ എന്നീ ചിത്രങ്ങൾ വേണ്ടത്ര ശ്രദ്ധ പിടിച്ചു പറ്റാത്ത സാഹചര്യത്തിൽ തനിക്ക് വിജയം നേടിത്തന്ന നിവിൻപോളിയോടൊപ്പം തന്നെ വീണ്ടും മുന്നേറുവാൻ ആണ് അദ്ദേഹം ആഗ്രഹിക്കുന്നത്.
ഒരു പോലീസ് സ്റ്റേഷനകത്തെ കഥകൾ കോർത്തിണക്കിയ ആക്ഷൻ ഹീറോ ബിജു സൂപ്പർ ഹിറ്റായി മാറിയിരുന്നു. ചിത്രത്തിന് ഇപ്പോൾ ഒരു രണ്ടാം ഭാഗം പ്രഖ്യാപിച്ചിരിക്കുകയാണ്. പോളി ജൂനിയറിന്റെ ബാനറിൽ നിവിൻപോളി തന്നെ നിർമ്മിക്കുന്ന രണ്ടാംഭാഗത്തിനായുള്ള രചന എബ്രിഡ് ഷൈൻ ആരംഭിച്ചു എന്നാണ് ലഭിക്കുന്ന റിപ്പോർട്ടുകൾ. രാജീവ് രവി സംവിധാനം ചെയ്ത തുറമുഖം എന്ന ചിത്രമാണ് നിവിൻപോളിയുടെതായി പുറത്തിറങ്ങാനുള്ള ഏറ്റവും പുതിയ ചിത്രം.
പേര് സൂചിപ്പിക്കും പോലെ കൊച്ചി തുറമുഖവുമായി ബന്ധപ്പെട്ട ഒരു സ്റ്റോറി ലൈൻ ആണ് ചിത്രത്തിന് ഉള്ളത്.1962 വരെ കൊച്ചിയില്‍ നിലനിന്നിരുന്ന ചാപ്പ തൊഴില്‍ വിഭജന സമ്ബ്രദായവും, ഇത് അവസാനിപ്പിക്കാന്‍ തൊഴിലാളികള്‍ നടത്തിയ സമരവുമാണ് ചിത്രത്തിന്റെ പ്രധാന പ്രമേയം .തുറമുഖം തന്റെ കരിയറിലെ തന്നെ ഏറ്റവും മികച്ച വേഷങ്ങളിൽ ഒന്നായിരിക്കും എന്നാണ് ഇന്ദ്രജിത് ഒരു അഭിമുഖത്തിൽ പങ്കുവച്ചത്. യഥാർത്ഥ സംഭവങ്ങളിൽ നിന്നും പ്രചോദനം ഉൾക്കൊണ്ട ഒരു ചിത്രമാണ് തുറമുഖം. ജീവിച്ചിരിക്കുന്ന ഒരാളെ ബേസ് ചെയ്ത് സൃഷ്ടിച്ച ഒരു കഥാപാത്രത്തെയാണ് ഇന്ദ്രജിത്ത് അവതരിപ്പിക്കുന്നത്.1950 കളിൽ സെറ്റ് ചെയ്ത പശ്ചാത്തലത്തിലാണ് ചിത്രം ഒരുക്കുന്നത്.
