മമ്മൂട്ടി നായകനായെത്തുന്ന ബ്രഹ്മാണ്ഡ ചിത്രമാണ് മാമാങ്കം .ചിത്രത്തിലെ മൂന്ന് ഷെഡ്യൂളുകളുടെ ഷൂട്ടിംഗ് പൂർത്തിയായി കഴിഞ്ഞു. എം പത്മകുമാർ സംവിധാനം ചെയ്ത ചിത്രം നിർമ്മിക്കുന്നത് വേണു കുന്നപ്പള്ളി ആണ്.ചിത്രത്തിന്റെ അവസാന ഷെഡ്യൂൾ ഷൂട്ടിംഗ് ഉടൻ ആരംഭിക്കും. ചിത്രത്തിലെ അവസാന ഘട്ട ഷൂട്ടിങ്ങിനുവേണ്ടി ഒരുക്കിയിരിക്കുന്ന വലിയ സെറ്റുകൾ ആണ് ഇപ്പോൾ സോഷ്യൽ മീഡിയയിൽ വലിയ ചർച്ചാവിഷയമായി മാറിയിരിക്കുന്നത് .20 ഏക്കറോളം ചുറ്റളവിൽ വലിയ ബ്രഹ്മാണ്ഡ സെറ്റ് തന്നെയാണ് മാമാങ്കത്തിന് വേണ്ടി ഒരുക്കിയിരിക്കുന്നത്.
ഇതിനിടെ മാമാങ്കത്തിന്റെ റിലീസിങ്ങിന് സംബന്ധിച്ച് ഒരു ഏകദേശധാരണ എത്തിയിട്ടുണ്ട് എന്നാണ് ഇപ്പോൾ ലഭിക്കുന്ന സൂചനകൾ. ഇപ്പോഴത്തെ വാർത്തകൾ അനുസരിച്ച് ചിത്രം മലയാളം ,ഹിന്ദി, തമിഴ് ,തെലുങ്ക് എന്നീ ഭാഷകളിൽ റിലീസ് ചെയ്യും. ഇത്രയും ഭാഷകളിൽ നേരിട്ട് റിലീസ് ചെയ്യുന്ന ആദ്യ മലയാള ചിത്രമായി മാറും ഇതോടുകൂടി മാമാങ്കം. ഓരോ ദിവസവും വളരുന്ന മലയാള സിനിമയ്ക്ക് പുതിയ ഊർജ്ജം ആകും മാമാങ്കത്തിന്റെ ഈ വലിയ റിലീസ് എന്നാണ് സൂചന.
