ഫെബ്രുവരി ഏഴിന് റിലീസ് ചെയ്ത കുമ്പളങ്ങി നൈറ്റ്സ് എന്ന ചിത്രം നൂറാം ദിനത്തിൽ എത്തിയിരിക്കുകയാണ്.കൊച്ചി ഐഎംഎ ഹാളിൽ അണിയറ പ്രവർത്തകർ നൂറാം ദിനം ആഘോഷിച്ചു.സിനിമയുടെ പേരിനോടും സ്വഭാവത്തോടും ചേർന്ന പങ്കായത്തിന്റെ ആകൃതിയിലുള്ള മൊമെന്റോ ആയിരുന്നു വിജയശിൽപ്പികൾക്ക് ആയി അണിയറപ്രവർത്തകർ ഒരുക്കിയിരുന്നത്.സിനിമയിൽ ഷമ്മി എന്ന സൈക്കോ കഥാപാത്രത്തെ അതിഗംഭീരമാക്കി അവതരിപ്പിച്ച ഫഹദ് ഫാസിലിന് മൊമെന്റോ നൽകിയത് ചിത്രത്തിന്റെ നിർമാതാവും ഭാര്യയുമായ നസ്രിയയായിരുന്നു.ആദ്യം മൊമെന്റോ കയ്യിൽ കിട്ടിയപ്പോൾ അത് വച്ച് തന്റെ പ്രിയതമനെ തല്ലുവാൻ ആണ് നസ്രിയ ചെന്നത്.
പിന്നീട് സ്നേഹപൂർവ്വം മൊമെന്റോ ഫഹദിന് സമ്മാനിച്ചു.ഫഹദ് ഫാസില്‍, ഷെയ്ന്‍ നിഗം, ശ്യാം പുഷ്‌ക്കരന്‍, അന്ന ബെന്‍, സൗബിന്‍ ഷാഹിര്‍, ഗ്രേസ് ആന്റണി, റിമ കല്ലിങ്കല്‍, ആഷിക് അബു, ഉണ്ണിമായ, നസ്രിയ നസിം, സുഷിന്‍ ശ്യാം തുടങ്ങിയവര്‍ ചടങ്ങിൽ പങ്കെടുത്തു.കുമ്പളങ്ങിയിലെ ആർക്കും വേണ്ടാത്ത നാലു സഹോദരന്മാരുടെ കഥയായിരുന്നു ചിത്രം പറഞ്ഞത്.സംവിധായകന്‍ മധു സി നാരായണന്‍ മികച്ച ടെക്നീഷ്യന്‍മാരെയും അഭിനേതാക്കളേയും ലഭിച്ചതാണ് സിനിമയുടെ വിജയത്തിന് പിന്നിലെന്ന് ചടങ്ങിൽ പറഞ്ഞു.
