പതിനെട്ടാംപടിയിലെ മമ്മൂട്ടിയുടെ ഒരു സ്‌റ്റിൽ അടുത്തിടെ സോഷ്യൽ മീഡിയയിൽ ഏറെ വൈറലായിരുന്നു. ഈ ഇടയ്ക്ക് ഒരു താര ചിത്രത്തിനും ലഭിക്കാത്ത ഗംഭീര വരവേൽപ്പ് ആയിരുന്നു ആ സ്റ്റില്ലിന് ലഭിച്ചിരുന്നത്. അതിരപ്പള്ളി വെള്ളച്ചാട്ടത്തിന്റെ ബാക് ഡ്രോപ്പിൽ കലിപ്പ് ലുക്കിൽ നിൽക്കുന്ന മമ്മൂട്ടി ചിത്രം ആരാധകർ നിറഞ്ഞ മനസ്സോടെയാണ് സ്വീകരിച്ചത്. ഇപ്പോഴിതാ മാമാങ്കം എന്ന ചിത്രത്തിന്റെ ലൊക്കേഷനിലെ ഒരു ചിത്രം വൈറലാവുകയാണ്.
എയ്ജ് ഇൻ റിവേഴ്സ് ഗിയർ എന്നത് ഈ ഒരൊറ്റ ചിത്രത്തിലൂടെ കാണിച്ചുതരികയാണ് മമ്മൂക്ക.അറുപതുകളുടെ മധ്യത്തിലും മമ്മൂട്ടി എന്ന നടനെ കണ്ടാൽ 30 കളുടെ തുടക്കത്തിൽ ആണെന്നെ പറയാൻ സാധിക്കുകയുള്ളൂ. ഉണ്ണിമുകുന്ദനൊപ്പം പുതിയ യെസ്ഡി ബൈക്കിൽ ഇരിക്കുന്ന ഈ ചിത്രമാണ് ഇപ്പോൾ വൈറലാകുന്നത്. മാമാങ്കത്തിന്റെ ലൊക്കേഷനിൽ നടന്ന ഒരു ഫോട്ടോഷൂട്ട് ചിത്രമാണിത്. യുവ ഫോട്ടോഗ്രാഫർ ആയ ശ്രീനാഥ് ഉണ്ണികൃഷ്ണൻ ആണ് ഈ ചിത്രം പകർത്തിയത്.
