സൗബിൻ സാഹിർ,ഷെയ്ൻ നിഗം,ശ്രീനാഥ് ഭാസി ഒപ്പം ഫഹദ് ഫാസിൽ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് കുമ്പളങ്ങി നൈറ്റ്‌സ്.മധു സി നാരായണൻ സംവിധാനം നിർവഹിക്കുന്ന ചിത്രത്തിന്റെ തിരക്കഥ ഒരുക്കിയത് ശ്യാം പുഷ്കരൻ ആണ്.ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു.കഴിഞ്ഞ ദിവസം അന്താരാഷ്ട്ര ചില്‍ഡ്രന്‍സ് ഫിലിംഫെസ്റ്റിവലില്‍ മീറ്റ് ദ ആര്‍ട്ടിസ്റ്റ് പരിപാടിയില്‍ കുട്ടികളോട് ചിത്രത്തിലെ നായകൻ ഷെയ്ൻ നിഗം സംവധിക്കുകയുണ്ടായി.തന്റെ സിനിമാ സ്വപ്നങ്ങളെ കുറിച്ചും സിനിമകളെ കുറിച്ചും അദ്ദേഹം വാചാലനായി.
കുമ്പളങ്ങി നൈറ്റ്‌സിലെ ഫഹദ് വട്ടനാണെന്ന് അറിഞ്ഞപ്പോൾ എന്താണ് തോന്നിയെതെന്നായിരുന്നു ഒരു കുട്ടികുറുമ്പന് അറിയേണ്ടത്.ഫഹദ് വട്ടനാണെന്ന് തനിക്ക് നേരത്തെ അറിയാമെന്ന് പറഞ്ഞ് താരം സംസാരിച്ച് തുടങ്ങി.’സിനമകളില്‍ അഭിനയിക്കാന്‍ കഴിഞ്ഞപ്പോള്‍ അവസരങ്ങള്‍ കിട്ടിത്തുടങ്ങി. ഇപ്പോള്‍ അതിജീവനം വലിയ വെല്ലുവിളിയായി മാറി. നാളെ എന്താണെന്ന് ചോദിച്ചാല്‍ അറിയില്ല. എന്തും സംഭവിക്കാം. ക്യാമറയ്ക്ക് പിന്നില്‍ നില്‍ക്കാനായിരുന്നു ഇഷ്ടം.അൻവറിൽ അഭിനയിച്ചപ്പോൾ അസിസ്റ്റന്റ് ഡയറക്ടറായിരുന്ന സൗബിന്‍ സാഹിര്‍ അന്നയും റസൂലിലേക്ക് വിളിച്ചു. അതോടെയാണ് അഭിനയത്തില്‍ സജ്ജീവമായത്. സിനിമയില്‍ വന്നതോടെ ഉത്തരവാദിത്തം കൂടി’,ഷെയ്ൻ പറയുന്നു
